Mateo 13:36 - Cofán: Chiga Tevaen'jen

³⁶ Tsomba Jesús a'i bo'fa'choma catipa tsaoni ja. Jasi tisema shondosundeccu tisenga jipa su'fa: —Ancco'sima nasipanga jon'cho condase'choma inginga a'tatsse condaja.

Mateo 13:36 Referans Kwoze

Marcos 8:9

An'fa'chondeccuja cuatro mil a'ia'ca'on tsu. Tsomba Jesús a'ima manda cuintsu tise'pa tsaoni ja'faye.

Marcos 7:17

Jesúsja afa nanimba a'i'ye joqquitssipa tsa'onga ca'ni. Ca'nisi tisema shondosundeccu tsa condase'chone tisema iñajampaña'fa.

Marcos 6:45

Tsomba Jesúsja tisema shondosundeccuma manda cuintsu shavonga otsepa mar jonifani, Betsaidani isepa tise've ronda'je'faye. Tiseja shanda aindeccuma can moeñe.

Mateo 13:11

Tiseja su: —Tayoe ma'caen Chigama na'sian'cho aindeccuve dapa canse'faya'chone Chigaja condambi. Ja'ño tsu que'inga pañaeñe in'jan. Tsa'ma toya tsu cca'indeccuja pañañe osha'fambi.

Mateo 13:1

Tsequi a'ta Jesús tsaone sombopa mar otafani japa dyai.

Mateo 9:28

Tsonsi Jesús tsa'onga ca'nisi tise'pa'qque ca'nimba Jesúsnga catse'fa. Catsesi Jesús tise'pama iñajampaña: —¿In'jan'fa ti qui ña que'ima ccushaeñe osha? Tise'paja su'fa: —Ju, na'su.

Mateo 15:39

An nanimba Jesús poiyi'cco a'ima mandamañamba tise'qque shavonga otsepa Magdala andeni ise'fa.

Mateo 14:22

An nanimba tse'faei'ccuyi Jesús tisema shondosundeccuma manda shavonga otsepa tisema catipa mar jonifani o'tie ja'faye. Jesúsja can'jemba aindeccuma mandamañamba omboe jaye.

Marcos 4:34

A'tatsse afambeyi condase'choi'ccuyi tsu atesian. Tsa'ma tisema shondosundeccui'ccu tisuyi can'jemba pa'tssima a'tatsse conda.

Mateo 13:18

Paña'faja gaiña jon'sune condase'choma. Ñotsse pañamba in'jan'faja.

Mateo 13:25

A'i trigoma jon nanimba poiyi'cco ana'jensi tisema iyiccaye'su jipa trigoaca'ma ancco'si choma'qque tsa nasipanga jon. Jomba ccuyin ja.