Mateo 13:15 - Cofán: Chiga Tevaen'jen

¹⁵ Nane va aindeccumbe injama'choja tombu'fa. Tsonsinai'ccu pañañe in'jambipa picco'fa. Tise'pa tso'fema tsu tsapi'fa. Nane tso'fei'ccu attesa'ne tsapi'fa. Tsonsinai'ccu pañasa'ne tsu picco'fa. Injama'choi'ccu in'jansa'ne tsu tombu'fa, ñame in'jamba ccushaengesa'ne.

Mateo 13:15 Referans Kwoze

Isaías 6:10

Nane va aindeccuma tsonjan cuintsu injama'cho shacasi tombu'faye injama'choi'ccu ñame in'jamba ccushaengesa'ne. Nane tise'pa tsonsinama'qque piccoja paña'fasa'ne. Tso'fema'qque tsapija atte'fasa'ne.”

Marcos 4:12

Nane tsendeccuja can'ma atte'fambi. Paña'ma in'jan'fambi. Tsa'cansi gi condase'choi'ccu tise'pama atesian'jen. Tsa'ma ñame in'jan'ma ccusha'faya'bi. Nane Chiga'qque tise'pa egae tsincon'choma joqquitssiaña'bi.

Hebreo'su 5:11

Jesúsja Melquisedec'can qquen supa gi osha'choma que'inga condaseye in'jan. Tsa'ma que'ija injama'choni pañañe in'jambisi aiye'pa tsu que'ima ti'tsse atesiañe.

2 Timoteoga 4:4

Nane Chiga tansintsse su'choma catipa tsama pañambipa tsu osha'cho tayopi'su injanga condase'choma paña'faya.

Tson'fa'cho 7:57

Tsa'ma Esteban qquen susi aindeccuja pañañe in'jambipa tsonsinama piccopa quia'me fundopa butto catse'fa Estevanga.

Canjaen'cho 22:2

canqque tsaiqui enttingeni ai'je. Poi otafani tsu cansiaña'cho quini'ccoja ccutsu'fa. Fae canqque'fanga tsu tsa quini'ccoja doce nafave naña. Nane poi ccovu tise teta'choja naña. Tsa cansiaña'cho quini'cco'su ccaqueje'qque seje'pa tsu poi ande'su a'ima ccushaeñe.

Tson'fa'cho 3:19

Tsa'cansi que'i egae tsincon'choma anttepa Chiga Quitsanga ji'faja cuintsu Tise que'i egae tsincon'choma ccuchaye. Tsa'caen ccuchapa Na'su Chiga tsu que'i injama'choma ño'faeña.

Lucas 19:42

su: —Ñajan in'jan cuintsu que'i Jerusalensundeccu opatsse canse'faye. Tsa'ma ja'ñonda qui tsa'caen canseye in'jan'ma toya osha'fambi. Nane tso'fema tsapiqquia'caen qui tta'tta'fambi ma'caen opatsse canseya'chove.

Tson'fa'cho 28:27

Va aindeccuja injama'cho shacaqquia'caen dapa, ñotsse paña'fambi. Tise'pa tso'fe piccoyeqquia'caen da'fa ñotsse attesa'ne. Nane tsosina'qque tsa'caen da'fa ñotsse pañasa'ne. Tise'pa injama'cho'qque injienge'fambi. Tsa'camba tsu tise'pa in'jan'choma catipa ñanga ji'fambi ña tise'pama ccushaeñe.