Mateo 12:46 - Cofán: Chiga Tevaen'jen

⁴⁶ Jesús toya a'i bo'fa'chonga atesian'jen'ni tise mama, tise quinshingendeccu'qque tseni ji'fa. Jipa tsa'o tsotefangayi ccutsu'fa Jesúsi'ccu afaye in'jamba.

Mateo 12:46 Referans Kwoze

Mateo 13:55

Tiseja mesama sema'sumbe dutssi'ye tsu. Tise mama tsu María. Tise quinshingendeccu tsu Santiago, José, Simón, Judas'qque.

Juan 2:12

Tsomba tse'i Jesús Capernaum canqqueni jayisi tise chan, tise quinshingendeccu, ingi tisema shondosundeccu'qque fae'ngae jaja'fa. Tseni re'riccoe can'jencca'fa.

Juan 7:5

Ni tise quinshingendeccuyi'qque in'jan'fambi tise've.

Juan 7:3

tise quinshingendeccu'qque su'fa: —Shandajama va'ttinga. Tsa'ma Judeani jaja cuintsu tseni canjen'su quema shondosundeccu'qque que tson'choma atte'faye.

Tson'fa'cho 1:14

Poiyi'cco fae'be injama'choa'caeñi in'jamba bo'je'fa Chigama iñajañe. Toya'caen Jesús chan María, Jesús quinshingendeccu, faesu pushesundeccu'qque tise'pai'ccu fae'ngae bo'je'fa.

Marcos 6:3

Tiseja vani'su mesama sema'su tsu, María dutssi'ye. Tise quinshingendeccu, Santiago, José, Judas, Simón, toya'caen tise que'ttendeccu'qque vani ingi'ccu can'jen'fa. Tsa'caen supa Jesúsma iyicca'yepa paña'fambi.

Galacia'su 1:19

cca'i Jesúsne afasundeccuma attembi. Nane Na'su Jesús quinshin Santiagoma gi atte. Tsa'ma faesumajan me'i.

1 Corinto'su 9:5

¿Osha'fambi ti gi Cristove in'jan'cho pushesuma pushepa tisei'ccu jacañe? Cca'i Jesús moensi condasundeccu tsa'caen pushepa jacan'fa. Nane Na'su Jesús quinshingendeccu, Pedro'qque tise'pa pushendeccui'ccu jacan'fa Jesúsne condaseye.

Juan 7:10

Tise quinshingendeccu ja'fasi Jesús'qque omboe fiestanga ja. Pa'onga atteyembe'yi a'tutsse jacan.

Lucas 2:48

Tsa'caen tson'jen'ni Jesús chan, tise yaya'qque tisema attepa can'boen ccutsupa Jesús chanjan su: —Jaricho, ¿jongoesie qui ingima a'tu maña? Tsa'caen que a'tu mañasi ingija ñoa'me ñombi'yepa tta'ttá vana'jen'fa.

Lucas 8:10

Jesúsja qquen su: —Tayoe ma'caen Chiga aindeccuve dapa canse'faya'chone Chigaja condambi. Tsa'ma ja'ño que'inga pañaeñe in'jan. Cca'indeccungaja aqquia condase'choi'ccu condaseya'cho cuintsu atte'ma atesu'fambiye; cuintsu paña'ma in'jan'fambiye.

Marcos 2:21

A'ija cuna sarupai'ccu tssoru ondiccu'jema pi'pimbi. Nane qquen tson'da ondiccu'jema ñoñañe in'jamba tsu ti'tsse dañoña. Ma'ppa'ninda, cuna sarupaja zuruchopa tsu ti'tsse tssoruma chittaeña.

Juan 2:5

Tsa'ma tise chanjan cuiñasundeccuma su: —Ma'caen su'nijan tsa'caen pa'ccoma tson'faja.

Lucas 2:33

Simeón tsa'caen susi José, María pañamba can'boen ccutsu'fa.

Juan 2:1

Tres a'ta pasasi casara'je'fa'cho jin Galilea ande'su Caná canqqueni. Jesús chan'qque tseni can'jen.

Lucas 2:51

Tsa'caen supa Jesúsja tise'pai'ccu Nasaretni ja. Tseni japa tise'pama ñotsse pañamba canse. Toya'caen Jesús chanjan osha'choma in'jamba tisu injama'choni asi'taén can'jen.

Mateo 2:20

su: —Qquendyapa jangija. Du'shu Jesús, tise chama'qque qquendyaemba toequi israe andeni jaja'faja. Nane du'shuma fi'ttiye in'jan'chondeccu tayo tsu pa'fa.

Mateo 2:11

Tsaoni ca'nimba du'shu Jesúsma atte'fa, tise mama Maríama'qque. Du'shuma attepa ccaru dyaipa tisema iñajamba ñotsse afa'fa. Ñotsse afapa tise'pa cafoma'qque fettapa osha'cho ñotssiama afe'fa. Nane cori, toya'caen bare'cho oque oraenqque'su ñome'ba, toya'caen mirra ñome'bama'qque afe'fa.

Mateo 1:18

Qquen tsu Jesucristoma isu'cho. Tise chanjan, María Josénga tayo iñajañemba toya tsandiei'ccu fae'ngae can'jembe'yi surie da. Chiga Quendya'pa tisenga jisi surie da.

Juan 19:25

avuja'cco pporotsse Jesús chanjan ccutsu. Tisei'ccu ccutsu'fa tise que'tte, faesu María –tsa Cleofás pushe, María Magdalena'qque.

Lucas 1:43

Ña na'su chan ñama can'su jisi gi ñoa'me avuja.

Mateo 12:47

Tsa'caen ccutsu'fasi cca'ija Jesúsnga conda: —Que mama, que quinshingendeccu'qque jipa tsotefangayi ccutsupa quei'ccu afaye ronda'je'fa.

Lucas 2:34

Tsonsi Simeón tise'pama ñotsse afapa du'shumbe chan Maríama su: —¡Que canjan! Va du'shuve in'jambi'ta tsain'bio israendeccu tsu qque'faya. Tsa'ma cca'indeccuja tise've in'jamba ti'tsse'tssia've dapa tsu avuja'faya. Aindeccu tisema afase'fasi