Mateo 12:42 - Cofán: Chiga Tevaen'jen

⁴² Toya'caen tayopi'su Sabá ande'su na'su pushesuja biane ji israe'su na'su Salomón ñotsse in'jamba su'choma pañañe. Osefaeña'cho a'ta napisi tsu tise'qque ja'ño'su aindeccu shacama canjaeña. Va'tti gi Salomóma ti'tsse'tssia can'jen'ma qui ñama paña'fambi.

Mateo 12:42 Referans Kwoze

Juan 1:14

Chiga Aya'faja a'ive dapa ingi'ccu can'jen. Tiseja ti'tsse'tssiasi gi atte'fa. Nane Chiga Dutssi'yeyi tsu tsa'caen ti'tsse'tssia. Tiseja osha'cho ñotssiaveyi tsomba tansintssia'veyi conda.

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Mateo 3:17

Sefaccone aya'fa'qque afapa qquen su: —Vaja ña in'jan'cho Dutssi'ye tsu. Ñoa'me gi tisema ñotsse in'jan.

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

1 Reyes 4:34

Nane poi ande, poi ande'su nasundeccu tsu Salomón injama'pave da'choma pañamba tise'pani'su aindeccuma moe'fa cuintsu japa tisema paña'faye.

1 Reyes 3:12

gi tsa'caen quenga afeya. Nane que injama'choma gi in'jaeña que ñoa'me injama'pave dasi cuintsu ni tayo canse'cho ni jai'ngae canseya'cho a'i quema patsumbe can'faye.

1 Reyes 3:9

Tsa'cansi in'jan gi ña quema shondo'sunga que afesi ñajan jongoesu tsu ñotsse tson'cho qquen in'jamba, jongoesu tsu egae tson'cho'qque in'jañe. Nane tsa'caen in'jamba gi que aindeccuma ñotsse mandaya. Nane tisuyi gi oshambi va que in'jan'cho aindeccuma mandaye.”

Mateo 12:41

Osefaeña'cho a'ta napisi Nínive canqquesundeccuja va ja'ño'su aindeccu shacama tsu canjaen'faya. Tsendeccuja Jonásma pañamba tisupa egae tsincon'choma chi'gapa Chigama iñajan'fa. Jonásma ti'tsse'tssia gi ja'ño can'jen. Can'jensi toya qui que'i egae tsincon'choma chi'ga'fambi.

Mateo 12:6

Tsa'cansi que'inga gi su: Chiga ettima ti'tsse'tssia tsu ja'ño can'jen.

Deuteronomio 30:13

Ni mar jonifaniñi manda'chombi tsu cuintsu que'i suye: ‘¿Majan tsu ingine marma isepa pañamba jipa condasesi gi pañamba tsa'caen tson'faya?’