Biblia Todo Logo
Bib sou entènèt

- Piblisite -




Mateo 11:3 - Cofán: Chiga Tevaen'jen

3 cuintsu tisema qquen iñajampaña'faye: —¿Que ti qui Cristo, jiya'cho qquen su'choja? Tsambi'ta ¿faesuve ti gi ronda'je'faya?

Gade chapit la Kopi




Mateo 11:3
38 Referans Kwoze  

Tiseja su: —Ju, Na'su. Ñajan in'jan gi queja Cristo, Chiga Dutssi'ye, va andenga ji'cho.


Na'su Osha'choma Oshacho'cho Chigaja su: “Ñane afa'suma gi manda moeña cuintsu ña jiya'chove ñoñañe. Tsonsi tsu que'i ttatta'je'cho Na'suja junde tisu can'jen'cho ettinga ca'niña. Nane tise tsu que'i in'jan'cho Chigai'ccu injancco'fa'choma afa'suya.”


Nane Chiga Tevaen'jen tsu su: Toya tsu re'ricco shaca. Ti'tssecan tsu Na'su Cristoja tise suqquia'caen jiya. Junde tsu jiya.


“Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.


Nane tsain'bio a'i tise've in'jamba su'fa: —¿Cristo ji'ta ti va a'ima ti'tsse'tsse canjaeña?


Tsonsi a'ija Jesús va canjaen'choma attepa su'fa: —Ñoa'me tsu va a'ija Chiga Aya'fama afa'su jiya'cho qquen su'cho.


¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.


Toya'caen queja pushesui'ccu chi'gaccopa iyicco'fasi tsu que dushundeccu'qque tise dushundeccui'ccu chi'gaccopa iyicco'faya. Nane tsambe du'shu tsu que tsove'ye tsui sapiaña. Tsa'ma queja tise tsutuccu'choma sinttuya.


Tise tsu canjaeña ñajan ti'tsse'tssiave. Ñane in'jamba tsu osha'choma que'inga tansintsse condaya.


Pañamba shishijema'qque anga'fa Jesúsma cachuiccoye jayipa. Jayipa quia'me su'fa: —¡Avuja'faja! ¡Ñotssi tsu Na'su Chiga mandasi jiña'choja! ¡Ñotssi tsu israe na'suja!


Jesúsja tisenga su: —Pushesu, ñama pañajan. Pan tsu napiji maqui a'ta a'ija ni va ccotta'cconga ni Jerusaléni ja'faya'bi tsu Chigama iñajañe.


Qquen tsu su'fa: —Chigaja na'suma inginga afe. Ñoa'me ñotssia tsu. Sefacconi opatsse canse'faja. Pa'cco Chiga sefacconi Chigane ñotsse afa'faja.


Toya'caen o'tie jayindeccu, sepaccofae jiñadeccu'qque qquen fundo'fa: —Avuja'faja. Ñoa'me ñotssi tsu Na'su Chiga mandasi ji'cho.


Majan a'i o'tie jayi'fa. Cca'indeccu sepaccofae jiña'fa. Poiyi'cco tsu fundondo'e qquen afa'fa: —¡Avuja'faja! Ñotssi tsu na'su David Dutssi'ye. Na'su Chiga tisema mandasi jipa ñoa'me avujatssi tsu. Ñotssi tsu Chiga Quitsa sefacconi canjen'su.


Zión canqquesundeccuma conda'faja: Que canjan, que'i Na'suja que'inga ji'je. Nane patsumbe'yi boronga dyaipa ji'je. Boro du'shunga, tsa semamba andu'choma andu'sumbe du'shungayi tsu ji'je.


Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.


¡Ñoa'me ñotssi tsu Na'su Chiga moesi ji'cho! Chiga ettini can'jemba gi que'ima'qque ñotsse afa'je'fa.


Jai'ngae'su osha'choma gi atte. Ñoa'me jai'ngae'suma gi bianima atte. Fae o'fe tsu Jacob aindeccu'ye somboya. Fae Na'su tsu israendeccu'ye somboya. Tsaja camba'juma doñaqquia'caen Moab aindeccuma patsuya. Nane pa'cco Set dutssiyendeccumbe tsove tsu'ttama tsu doñaña.


Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.


Majan quema in'jamba ñotsse afa'ninda gi tise'pama ñotsse tsoña. Tsa'ma majan quema afase'ninda gi tise'pama egae tsoña. Nane quei'ccu tsu poi ande'su aindeccuja Ña ñotssiama isu'faya.”


Jesús pañamba tise'pama su: —Japa que'i attepa paña'choma Juanga conda'faja.


Tisene tsu Chiga Aya'fa su: Que canjan. Quema o'tie gi ñama afa'suma manda moeña. Tiseja o'tie tsu jaya que ji'je'choma ñoñañe.


Swiv nou:

Piblisite


Piblisite