Mateo 11:19 - Cofán: Chiga Tevaen'jen

¹⁹ Ja'ño ñajan Sefaccone Ji'cho A'i jipa gi osha'choma amba cu'i. Tsa'ma que'ija su'fa: “Va a'i ñoa'me panshaen an'jemba tse'tse'pa singo tsu. Egae tsinconsundeccu, govierno impuestoma isusundeccu'qque tisei'ccu fae'ngae jacan'fa.” Qquen qui su'fa. Tsa'ma Chigaja ñotsse in'jamba tsomba tsu Tise tansintsse in'jan'choma canjaen.

Mateo 11:19 Referans Kwoze

Lucas 19:7

Poiyi'cco a'i can'boemba afaccoye ashaen'fa: “Jesúsja egae tsincon'sumbe tsa'onga ca'nimba can'jen” qquen su'fa.

Lucas 14:1

Fae sema'ma'qquia a'ta Jesúsja fariseo in'jan'cho na'sumbe tsaoni añe ja. Cca'i fariseondeccu Jesúsma camba ronda'je'fa egae afaye.

Lucas 7:29

Jesúsma pañamba poiyi'cco a'i, nane govierno impuestoma isusundeccu'qque, “Chigaja ño'a” qquen tsu su'fa. Tsendeccuja tayoe Juanga fetiyepa can'jen'fa.

Romanos 15:2

Tisu faenga'su in'janqquia'caen tsu tson'faya'cho tisema fuiteye. Nane tise'pama tsa'caen fuiteye osha'ta tsu tsa'caen ñotsse tsoña'cho cuintsu tise'pa'qque ti'tsse Jesúsve in'jan'faye.

Juan 2:2

Jesúsma, ingi tisema shondosundeccuma'qque ttu'se'fa casara'je'fa'chonga.

Canjaen'cho 7:12

qquen supa: Tsangaeyi. Chigaja Ñotssiasi Tisema ñotsse afa'faja. Tiseja injama'pa quin'amba osha'choma oshachosi avujatsse afa'faja. Nane tsa'caen afa'je'ta ingi Chigama gi tsangae ñotsse afa'je'fa. Tsangaeyi.

Mateo 5:46

Tisuma in'jan'chondeccuve'yi ñotsse in'jan'da ¿jongoesu ñotssiave qui isuye in'jan'fa? Nane govierno impuestoma isusundeccu'qque egae tsincomba tsa'caen tisupapora ñotsse in'jan'fa.