Mateo 10:8 - Cofán: Chiga Tevaen'jen

⁸ Toya'caen pajisundeccuma ccushaen'faja. Pa'chondeccuma ccase qquendyaen'faja. Na congomba pajisundeccuma giya'tsse ccushaen'faja. Cocoyama'qque joqquitssian'faja. Chiga aqquia afeqquiacaen que'ima tsa'caen oshaensi jongoesuma iñajambe'yi tsu aqquia afeqquia'caen tsoña'cho.

Mateo 10:8 Referans Kwoze

Tson'fa'cho 3:6

Tsa'ma Pedroja su: —Mecho gi cori ni corifin'dive'qque. Tsa'ma jongoesuma ña oshachota gi tsama afeqquia'caen quenga tsoña: Jesucristo Nasareno tsu quema ccushaen. Jangipa tsui jaja.

Tson'fa'cho 4:30

Queja osha'choma oshachopa pajisundeccuma ccushaemba sefani'su canjaen'cho, sefani'su agattoen'choma'qque canjaenjan cuintsu poiyi'cco a'i attepa que Ño'a Dutssi'ye Jesúsve in'jamba tise iniseningae tsa'caen tson qquen in'jan'faye.

Lucas 10:9

Tise'pani'su pajisundeccuma ccushaen'faja. Tsenisundeccunga conda'faja: “Ca'tsa tsu napiji que'i Chiga aindeccuve da'faya'cho.”

Mateo 10:1

Qquen supa Jesús tisema doce shondosundeccuma ttu'sepa antte cuintsu cocoyama joqquitssian'faye. Toya'caen antte cuintsu a'i osha'choi'ccu paji'choma osha'cho paqque'sui'ccu vana'suma'qque ccushaen'faye.

Marcos 16:18

iyoma tivei'ccu indi'ni'qque tisema sinttuya'bi; paqque'su seje'pama cu'i'a'qque paji'suve daya'bi; toya'caen pajisundeccuma tivei'ccu pporae'ninda ccusha'faya.

Isaías 55:1

“¡Poiyi'cco majan qquipoe'su'ta jipa tsa'ccuma cu'i'faja!” Majan corifin'di me'cho'ta jipa afepoembe'yi trigoma isupa an'faja. Nane vino, chochoma'qque chavambe'yi cu'i'faja.

Mateo 10:7

Japa candusian'faja qquen: “Ja'ño tsu Chiga que'ima ttu'se Tisema na'sian'cho aindeccuve da'faye.”

Mateo 10:9

Ni cori, ni corifin'di, ni reama'qque que'i utuqui'fa'su bosanga anga'fajama.