Mateo 1:2 - Cofán: Chiga Tevaen'jen

² Abrahamjan Isaac quitsa tsu. Isaacja Jacob quitsa. Tiseja Judá quitsa. Judá antiandeccu'qque tsu Jacob dushundeccu.

Mateo 1:2 Referans Kwoze

Tson'fa'cho 7:8

Qquen supa Chigaja fae'ngae injancco'faya'chone Abrahamnga afa. Qquen afapa ttonoma chhiyitevaemba canjaeña'chove conda. Tsa'caen paña'chopa Abrahamjan tise dutssi'ye Isaacma isusi ocho a'tangae ttonoma chhiyitevaen. Toya'caen Isaac'qque coemba tise dutssi'ye Jacobma isusi tsa'caeñi tson. Jacob'qque coemba tsa'caeñi tson tise doce dutssiyendeccuma. Tsa doce tsu ingi tayopi'su israe'su ccasheyendeccu.

Génesis 25:26

Omboe tise quinshinme isusi tivei'ccu tise quindya Esaú tsu'ttema indi'cho. Tsa'caen sombosi tsu inisian'fa Jacob. Isaac sesenta canqque'fave an'bian'ni tsu Rebecaja tsa'caen du'shuma isu.

Canjaen'cho 7:5

Judándeccu: dose mil. Rubéndeccu: doce mil. Gadndeccu: doce mil.

Hebreo'su 11:11

Abraham pushe Sara'qque dusungambipa ñoa'me coenza ccashe. Tsa'ma Chiga “Du'shuma qui isuya” qquen Saranga susi Saraja Chigave in'jan cuintsu tsa'caen tsoñe. Nane Chigave in'jamba ccase dusunga'e daqquia'caen dapa du'shuve isu.

Isaías 41:8

“Paña'faja israendeccu, que'i Jacob aindeccu, ña in'jan'cho Abraham omba'su dutssiyendeccu. Ñajan que'ima in'jamba gi attufaen ñama shondosundeccuve.

Génesis 25:19

Va tsu Abraham dutssi'ye Isaacne condase'cho.

Mateo 1:1

Qquen tsu Jesucristo tayopi'su antiandeccu. Tiseja tayopi'su David omba'su dutssi'ye tsu. Tayopi'su Abram omba'su dutssi'ye tsu.

Mateo 1:3

Judá tsu Fares quitsa. Tise faesu du'shuja Zara. Tsendeccumbe mamajan Tamar tsu. Fares tsu Esrom quitsa. Esrom tsu Aram quitsa.