26 Toya'caen Jesúsja su: —A'i choma andenga jonsi sho'yoqquia'caen tsu a'ija Chiga aindeccuve da'faya.
Jesús faesu condase'choma conda: —Chigama na'sian'cho aindeccuve daya'cho tsu qquen: A'i tise nasipanga ñotssia trigo choma jonqquia'caen tsu.
Condase'cho tsu qquen: Choja Chiga Aya'fa tsu.
—Jon'suja gaiña jon'su ja. Gaiñasi enttingeja tsaiqui utufanga sheque. A'i tsanga tsuisi chhiriria'qque jipa an'fa.
Nane majan opatssija choma jonqquia'caen tsu faesuma atesiaña'cho cuintsu poiyi'cco ñotsse opatsse canse'faye.
Ñoa'me gi su: Ppu'ppu choma andenga jombian'da aqquia fae ppu'ppu choyi tsu. Tsa'ma andenga jonsi tsangae napipa ccase tsu atapaya ti'tsse'e. Tsa'caen ñajan papa gi ña a'ima ti'tsse'e atapoeña.
Tsa'caen tsonsi Jesúsja su: —A'ija Chiga aindeccuve dapa ti'tsse tsu atapa'faya. Tsane condaseye in'jan'ma ¿jongoesui'ccu gi condaseya?
Faesu condase'choma'qque tise'panga qquen conda: A'i Chigama na'sian'cho aindeccuve dapa ti'tsse atapa'fa'choja cupana'ccoa'ca'on tsu. Pushesu tsa re'riccoa cupana'ccoi'ccu harinama tres agatto'chove cupoensi injantsse tsu atapa.
Faesu condase'choma'qque tise'panga qquen conda: —A'i Chigama na'sian'cho aindeccuve dapa ti'tsse tsu atapa'faya. Nane mostasa cho'ca'on tsu. A'ija mostasa choma tise nasipanga jon.
Tiseja su: —Tayoe ma'caen Chigama na'sian'cho aindeccuve dapa canse'faya'chone Chigaja condambi. Ja'ño tsu que'inga pañaeñe in'jan. Tsa'ma toya tsu cca'indeccuja pañañe osha'fambi.
Condase'chongae osha'chone qquen atesian: —Jon'su gaiña jon'su ja.
Jesús tseni japa candusiañe ashaemba su: —Que'i egae tsincon'choma chi'ga'faja. Ca'tsa qui Chigama na'sian'cho a'ive daji'fa.
Qquen tsu candusian: —Que'i egae tsincon'choma chi'gapa cati'faja. Ca'tsa tsu napiji ingi Chigama na'sian'cho aindeccuve da'faya'cho.
Nane majan an'bian'ninda ti'tsse tsu tisenga afeya. Tsa'ma majan mechomajan itsaya'cho. Nane tise re'riccoama'qque tsu tisema itsaya'cho.
Nane jon'suja, choma jomba anamba qquendyapa, cosepa a'ta'ni'qque tiseja atesumbi cho ma'caen da'je'choma. Jon'su atesumbi'te choja sho'yopa coen'jen.