Marcos 10:22 - Cofán: Chiga Tevaen'jen

²² Tsama pañamba ñoquimbipa ñombi'yé ja panshaen ricopa.

Marcos 10:22 Referans Kwoze

Lucas 12:15

Tsomba Jesúsja poiyi'cconga su: —Injama'tse. Faesumbema in'jan'fajama. Osha'choma an'biambi'a'qque toya qui ñotsse canse'faya.

2 Timoteoga 4:10

Demasja va ande'su jincho'chove ti'tsse in'jamba ñama catipa Tesalónicani ja. Crescenteja tayo Galacia andeni jasi tsu Titoja Dalmacia andeni ja.

Efeso'su 5:5

Ñoa'me vama ñotsse paña'faja: Maqui a'ta Chiga Quitsa, Jesucristo'qque pa'tssima ñoñamba Tise'pa aindeccunga ñotsse afesi majan a'ija isu'faya'bi. Majan tsandie, pushesui'ccu casarambe'yi in'jangae fae'ngae cansesundeccu'ta tsequi a'ta isu'faya'bi. In'jangae tsinconsundeccu'qque isu'faya'bi. Majan cca'indeccu an'bian'choma in'jansundeccu'qque isu'faya'bi. Tsendeccuja ñoña'cho chiga'ca'me iñajansundeqquia'can'fa tsu.

2 Corinto'su 7:10

Nane Chiga in'janqquia'caen ñombi'yesi ñotsse tsu naniñeña. Ñombi'yepa egae tsincon'choma chi'gapa ñotssiave in'jamba tsu ccushaya'cho. Tsa'caen da'ta ccase ñombi'yeya'bi. Tsa'ma va ande'su in'jan'choma in'jamba ñombi'ye'ta tsangae tsu paya.

Lucas 18:23

Tsa'ma tsama pañamba ande na'suja ñombi'ye osha'choma an'biamba.

Mateo 19:22

Tsa'ma chu'a tsandie tsama pañamba ñoquimbi'ccoe dapa ja. Nane osha'choma an'biamba ñombi'ye.

Mateo 13:22

Cca'ija cho anccosiccunga sheque'choacan'fa tsu. Tsendeccuja Chiga Aya'fama paña'ma panshaen va ande'su jincho'choma in'jamba asi'ttaen'fa. Ricove daye in'jamba Chiga Aya'fama paña'choma fi'ttiqquia'caen tise in'jan'choma nañámbi.

Marcos 6:26

Qquen iñajansi na'su Herodes ñoa'me ñoquimbi. Tsa'ma ñoa'me su'choi'ccu tayo susi tisei'ccu dyaisundeccu'qque paña'fachosi afopoeñe in'jambi.

Mateo 27:3

Judas, Jesúsma chi'gapa afe'su, Jesúsma fi'ttiye tson'jen'choma attepa tisu injama'choni se'pi. Se'pipa ñombi'yepa treinta totoa cori corifin'dima afepoen'choma toequi Chigama afa'su nasundeccunga, israe'su coenzandeccunga

Marcos 6:20

Nane na'su Herodesja Juan egae jinchombipa ño'asi atesupa fi'ttiye dyojo. Tsa'caen in'jamba tsu se'pi Herodías Juanma fi'ttiye. Tsa'camba na'su Herodes Juanma pañañe in'jan'ma tise injama'choni dyojoqquia'caen asi'ttaen. Tsa'ma toya tsu avujatsse tisema paña.

Marcos 10:21

Jesús tsandiema ñotsse in'jamba camba su: —Fae tsoña'cho tsu shaca. Japa pa'cco que an'bian'choma chavaenjan. Chavaemba corifin'dima isupa mendeqquianga afeja. Tsayita qui Chiga sefacconi ricove daya. Tsa'caen tsomba jipa ñai'ccu fae'ngae paya'ngae jacanjan.

Marcos 10:23

Tsonsi Jesúsja tisema shondosundeccuma piyicamba su: —Aiye'pa tsu majan osha'choma an'bian'cho Chiga a'ive daye.