Marcos 1:2 - Cofán: Chiga Tevaen'jen

² Tayopi Chiga Aya'fama afa'su Isaíasja Chiga su'choma qquen tevaen: ¡Que canjan! Quema o'tie gi moeña ña mandasi afa'suma que jiya'chove ñoñañe.

Marcos 1:2 Referans Kwoze

Malaquías 3:1

Na'su Osha'choma Oshacho'cho Chigaja su: “Ñane afa'suma gi manda moeña cuintsu ña jiya'chove ñoñañe. Tsonsi tsu que'i ttatta'je'cho Na'suja junde tisu can'jen'cho ettinga ca'niña. Nane tise tsu que'i in'jan'cho Chigai'ccu injancco'fa'choma afa'suya.”

Lucas 1:76

Que, ña du'shuja, Sefacconi'su Chigama afa'su qui. Tsa'cansi tsu poiyi'cco a'i su'faya: ‘Na'suma o'tie japa tsu Tise jiya'chove ñoñaña.’

Mateo 11:10

Tisene tsu Chiga Aya'fa su: Que canjan. Quema o'tie gi ñama afa'suma manda moeña. Tiseja o'tie tsu jaya que ji'je'choma ñoñañe.

Lucas 1:70

Tayopi Chiga Tisema afasundeccuma in'jaensi tise'paja ingi ccushaya'chone afa'fa.

Mateo 26:31

Tseni japa Jesús tise'panga su: —Que'i poiyi'cco ja'ño cose qui injama'cho qque'faya. Ñame in'jamba indiyesa'ne qui dyopa ccuya'faya. Nane Chiga Tevaen'jen suqquia'caen tsu tsoña: “Coira'suma fi'ttisi oveja tsu shequequin ja'faya.”

Salmos 40:7

Tsa'cansi gi su: ¡Vani gi can'jen! Nane que tevaen'jen ñane suqquia'caen gi can'jen.

Lucas 18:31

Tsomba Jesúsja tisema doce shondosundeccuma ttu'sepa su: —Paña'faja. Ingija Jerusaléni jayi'fa. Chiga Aya'fama afasundeccuja Sefaccone Ji'cho A'i vanaña'chone tayopi conda'fa. Ja'ño ingi Jerusaléni jasi tsu pa'cco tsa vanaña'chone su'choja ñanga napiya.

Mateo 26:24

Nane Chiga tevaen'jen suqquia'caen Sefaccone Ji'cho A'ima afesi indi'faya. Tsa'ma va'cha tsu tisema afe'su. Tise've tise mama isumbiecan'da tsu tisene bove ñotssiye'can.

Mateo 2:5

Tsendeccuja su'fa: —Judea ande'su Belén canqqueni tsu tisemajan isuya'cho. Nane qquen tsu tayopi'su Chiga Aya'fama afa'suja Chiga Aya'fama tevaemba su: