Lucas 9:41 - Cofán: Chiga Tevaen'jen

⁴¹ Tsa'caen susi Jesúsja su: —Que'i ja'ño'su aindeccuja itoyetsse in'jamba Chigave in'jambindeqquia qui. ¿Min'ge'e gi tsuin'da quei'ccu can'jemba angacaña? I'ngaja que dutssi'yema.

Lucas 9:41 Referans Kwoze

Juan 20:27

Tsomba Tomásnga su: —Ña tivema camba que tsimian'ccoi'ccu tsomijan. Ña utuccu'ttima que tivei'ccu tsomijan. “Nane ñajan in'jaña'bi” qquen sumbe'yi ¡ñame in'janjan!

Juan 14:9

Jesúsja tisema su: —Felipe, va pa'tsse que'i'ccu can'jen'ma ¿toya ti qui ñama atesumbi? Majan ñama atte'ta Chiga Quitsama'qque tsu atte'fa. ¿Ma'caen qui ja'ñojan su: “Chiga Quitsama inginga attianjan.”?

Marcos 9:19

Jesús pañamba su: —¡Ay, que'ija injienge'fambi! ¿Min'ge'e gi que'i'ccuta can'jeña? ¿Min'ge'e gi tsuin'da angacaña? ¡I'faja du'shuma!

Mateo 17:17

Qquen iñajansi Jesúsja su: —Que'i ja'ño'su aindeccuja tansintsse Chigave in'jambipa ccaningae qui in'jan'fa. ¿Min'ge'e gi tsuin'da quei'ccu can'jemba angacaña? I'ngaja du'shuma.

Hebreo'su 7:25

Tsa'camba Jesúsja tsangae nanitsse a'ima ccushaeñe osha. Poiyi'cco majan tise've in'jamba Chiganga catse'nijan tise tsu ccushaeña. Tsangae tsu Jesúsja canse tsendeccune Chigama afaye.

Hebreo'su 4:11

Tsa'camba jinge Chiga in'janqquia'caen tson'faye Tisei'ccu tsangae opatsse canseye. Nane tayopi'su a'ija Chiga su'choma paña'ma Chiga in'jambi'choa've tson'fa. Tsa'caen tsomba Chigama cati'fa. Que'i'qque tsa'caen tson'fajama, tise'pa'caen egae tsincomba Chigama catisa'ne.

Hebreo'su 4:2

Nane Jesucristone ñotsse condase'choma candusiansi ingi'qque paña'fa. Tayopi'su a'i'qque tsa'caen Chiga Aya'fama paña'ma chi'gasi tsa Aya'faja tise'pama fuitembi opatsse can'jeña'chonga ca'ni'faye.

Hebreo'su 3:19

Tsa'cansi gi in'jan'fa tsendeccuja Chigama pañañe chi'gapa Chigai'ccu tsangae opatsse can'jeña'chonga ca'ni'faya'bi.

Romanos 2:4

¿Ñotsse in'jan'fambi ti qui Chiga que'ine osha'cho ñotsse tson'choma? ¿Ni in'jan'fambi ti qui ma'caen Tise opatsse iyu'umbe'yi que'ive ronda'je'choma? ¿In'jambi ti qui Tise que'ima ñotsse tson'jen'choma que'i tisu egae tsincon'choma chi'gapa Tisenga ji'faye?

Tson'fa'cho 13:18

Tsa'caen somboensi cuarenta canqque'fave israendeccu a'i menia can'jen'fasi Chigaja tise'pa egae tsincon'choma attembiqquia'caen tise'pama fuitepa angacan.

Tson'fa'cho 2:40

Tsa'caen condasepa Pedro ti'tsse'tsse afapa qquen candusiamba su: —¡Ccusha'faja va ja'ño'su egae aindeccu'ye sombopa!

Lucas 8:25

Tsomba Jesúsja su: —¿Mingapa qui ñame in'jan'fambi? Tise'paja dyopa Jesúsma can'boemba qquen condasecco'fa: —¿Majan tsu va a'ija? Tise mandasi fingian, shave'pa'qque tisema paña'fa.

Mateo 16:4

Va ja'ño'su aindeccu egave in'jamba Chigave in'jambipa sefacconi'su canjaen'chove tsu iñajan'fa. Tsa'ma tayopi'su Chiga Aya'fama afa'su Jonás canjaen'chove'yi canjaemba Chigaja faesu canjaen'chove canjaeña'bi. Qquen supa Jesús tise'pa'ye joqquitssipa ccani ja.

Mateo 12:39

Tiseja su: —Ja'ño'su aindeccu tise'pa Chigave in'jan'choma catipa egave in'jamba sefacconi'su canjaen'choma iñajan'fa. Tsa'ma tayopi'su Chiga Aya'fama afa'su Jonás canjaen'chove'yi canjaemba Chigaja faesu canjaen'chove canjaeña'bi.

Mateo 3:7

Tsain'bio “fariseo gi” qquen in'jan'chondeccu, “saduseo gi” qquen in'jan'chondeccu'qque Juan feti'je'ni ji'fasi Juanjan tise'pama su: —Que'ija ñoa'me iyo dushundeqquia'can'fa qui. ¿Majan tsu que'imajan dyoña? Chiga iyicca'yepa fi'ttiya'choma pañamba ¿fetiyepa ccushaye'ta ti qui in'jan'fa?

Salmos 78:8

Tsa'caen in'jamba cansepa tise'pa tayopisundeqquia'can'faya'bi. Nane tise'pa tayopi'su coenzandeccuja tsosinai'ccu pañambipa injama'choni'qque in'jambipa Na'su Chiga in'jan'chove tson'fambi.

2 Reyes 5:8

Omboe Chigama afa'su Eliseoja Israel na'su tsa'caen tevaen'jema camba tisu ondiccu'jema chi'tta'choma pañamba qquen aya'fama moe: “¿Jongoesie qui tisu ondiccu'jema chi'tta? Naamánma ñani moejan cuintsu poiyi'cco atesu'faye Na'su Chiga aya'fama afa'su toya Israelni can'jen'chove.”

Números 14:27

—¿Mi'nge'e gi va ega Israel aya'fanasindeccui'ccu vana'jeña? Tayo gi paña tise'pa ñama egae afa'je'choma.

Números 14:11

Tsa'caen attiamba Na'su Chigaja Moisésnga su: —¿Mi'nge'e tsu aindeccuja ñama chi'gapa ‘Barembi tsu’ qquen su'je'faya? ¿Toya'caen mi'nge'e tsu ñame in'jambiqquia'caen canse'faya? Nane tsain'bitsse tise'panga ña oshacho'choma canjaensi atte'ma tsu ñame in'jan'fambi.

Éxodo 16:28

Tsonsi Na'su Chigaja Moisésnga su: —¿Mi'nge'e'qque qui ña atesian'choma pañambiqquia'caen ña manda'choma tson'fambi?

Éxodo 10:3

Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Marcos 10:49

Tsonsi Jesús ja ccutsupa su: —Tisema ttu'se'faja. Tsonsi japa binima su'fa: —Dyombe jangipa jija. Queve tsu ttuse'je.

Marcos 10:14

Iyu'je'fasi Jesús attepa iyicca'yepa su: —Antte'faja cuintsu dushundeccu ñanga ji'faye. Nane tise'pama se'pimbe can'faja. Majan Chigambe a'ija va dushundeqquia'can tsu.

Mateo 23:36

Tsa'cansi ñoa'me gi su pa'cco tsaite fi'tti'chone'qque ja'ño'su aindeccuja shacaen'faya.

Mateo 12:45

Attepa japa tisema ti'tsse egandeqquiama siete cocoyama i'ngasi poiyi'cco tsu tsa a'inga ca'nimba can'jen'fa. Tsa'cansi tayoema bove ega'o tsu tsa a'ine. Nane ja'ño'su aindeccu'qque tsa'caen ega'ta tsa'caeñi tsu da'faya.

Mateo 11:28

Ñani ji'faja poiyi'cco que'i majan semamba vanasundeccu. Ñani jisi gi que'ima ño'faeña.

Lucas 9:40

Tsama somboeñe quema shondosundeccuma iñajansi tise'paja osha'fambi.

Lucas 9:42

Du'shu jiñasi cocoyaja tisema mandyi indi pan'jaen. Tsa'ma Jesúsja cocoyama iyu'upa du'shuma ccushaemba tise yayanga afe.