Lucas 9:20 - Cofán: Chiga Tevaen'jen

²⁰ Tsonsi Jesúsja tise'pama iñajampaña: —Tsa'ma que'ija, ¿majan qquen qui ñamajan su'fa? Tsonsi Pedroja su: —Queja Chiga in'jan'cho Cristo qui.

Lucas 9:20 Referans Kwoze

Juan 7:41

Cca'ija su'fa: —Vata tsu Cristo. Tsa'ma cca'ija su'fa: —¿Ma'caen tsu galilea'suja Cristo?

Juan 4:29

—Ñai'ccu jipa can'gi'faja a'ima. Ña osha'chove tsincon'choma pa'ccoma in'jamba tsu ñanga condase. ¿Tsata ti Cristombi?

Tson'fa'cho 17:3

Nane tayopi'su Chiga Aya'fa su'choma camba afapa ñoa'me tansintsse condase ma'caen Chiga in'jan'cho Cristo vanamba paya'chone; toya'caen tsa'caen papa ccase qquendya'chone. Tsa'caen condasepa Pabloja su: —Va ña que'inga condase'cho, tsa Jesús, tsu Chiga in'jan'cho Cristoja.

Tson'fa'cho 9:22

Tsa'ma Sauloja ñoa'metsse candusiamba “Jesúsja Cristo, Chiga In'jan'cho” qquen tansintsse canjaemba Damasco'su israendeccuma patsupa ziyaen.

Juan 20:31

Tsa'ma tayo tevaen'choma gi tevaen cuintsu que'i pañamba in'jan'faye Jesúsja Cristo tsu, Chiga Dutssi'ye. Que'i tsa'caen tise've in'jan'da qui tise a'ive dapa tsangae canse'faya.

Juan 11:27

Tiseja su: —Ju, Na'su. Ñajan in'jan gi queja Cristo, Chiga Dutssi'ye, va andenga ji'cho.

Juan 4:42

Tsendeccuja pushesuma su'fa: —Ja'ñonda gi aqquia que su'choveyi in'jan'faya'bi. Tsa'ma tisupa tsosinai'ccu tisema pañamba gi in'jan'fa tiseja ñoa'me Cristo tsu, poi ande'suma ccushaen'su.

Juan 1:49

Natanaelja pañamba su: —Atesian'su, que qui Chiga Dutssi'ye. Que qui israe Na'su.

Juan 1:41

Tse'faei'ccuyi tise quindya Simónma tta'ttapa attepa su: —Mesíasma gi atte'fa. (Chiga moen'cho Cristo qquen su'cho tise'pa aya'fangae.)

Marcos 8:29

Tsonsi Jesúsja iñajampaña: —¿Que'ija majan qquen qui ñama su'fa? Tsonsi Pedroja su: —Queja Chiga in'jan'cho Cristo.

1 Juan 5:1

Majan: “Jesúsja Chiga in'jan'cho Cristo tsu” qquen in'jan'da Chiga du'shu tsu. Majan quitsama in'jan'da tsambe du'shuma'qque tsu in'jan.

Tson'fa'cho 8:36

Tsa'caen condasepa tsaiquingae jayipa singu'ccuma atte'fa. Attepa onocoja su: —Va'tti tsu singu'ccuja jin. ¿Ñama fetiye'ta ti ñotssi?

Lucas 22:67

—¿Queta ti qui Chigambe Cristo? Inginga condaja. Tsa'ma Jesúsja su: Que'inga conda'ni'qque qui ñama paña'faya'bi.

Marcos 14:61

Tsa'ma Jesúsja fae ayafaveyi'qque afambi. Afambisi Chigama afa'su na'suja ccase iñajampaña: —¿Que ti qui Chiga in'jan'cho Cristo? ¿Que ti qui Ño'a Chigambe Dutssi'ye?

Mateo 22:42

Jesús tise'pama qquen iñajampaña: —¿Jongoesu qquen qui Cristone asi'ttaemba in'jan'fa? ¿Majambe dutssi'ye tsu? Qquen iñajampañasi tsu su'fa: —Na'su David Dutssi'ye tsu.

Mateo 5:47

Aqquia que antiandeccuve'yi chigambian'da ¿bove ñotsse ti qui tson'jen'fa? Nane israembindeqquia'qque tsa'caen chigambiañe atesu'fa.

Mateo 26:63

Tsa'ma tsa'caen iñajampaña'ni'qque Jesúsja afambi. Afambisi joccapitssia Chigama afa'su na'suja su: —Cansia Chiga caña'jen'ni gi quema manda: Inginga tansintsse condaja: ¿Queta ti qui Cristo? ¿Chiga Dutssi'ye ti qui?

Lucas 9:19

Tise'paja su'fa: —Majanda tsu su'fa: “Feti'su Juan.” Cca'ija: “Tayopi'su Elías.” Cca'ija: “Tayopi'su Chiga Aya'fama afa'su ccase qquendya'cho.”