Lucas 8:25 - Cofán: Chiga Tevaen'jen

²⁵ Tsomba Jesúsja su: —¿Mingapa qui ñame in'jan'fambi? Tise'paja dyopa Jesúsma can'boemba qquen condasecco'fa: —¿Majan tsu va a'ija? Tise mandasi fingian, shave'pa'qque tisema paña'fa.

Lucas 8:25 Referans Kwoze

Mateo 8:26

Tsonsi Jesús su: —¿Jongoesie qui ñame in'jambipa dyo'fa? Qquen supa jangi ccutsupa fingiama iyu'usi vuiqui. Shave'pama'qque iyu'usi ñoa'me ppimppianccuve da.

Mateo 14:31

Tse'faei'ccuyi Jesús catsepa tise tivema yasapa Pedroma indi. Indipa tisema su: —Aqquia re'riccoe qui ñame in'jan. ¿Micomba tsu que injama'choja shaca?

Juan 11:40

Tsa'ma Jesúsja su: —¿Minga gi su'a: “In'jan'da qui atteya Chigaja ti'tsse'tssiave.”?

Lucas 12:28

Shoshovija ja'ño injanga sho'yopa cansesi tu'i a'ija tsama taipa panme matssañe oque'faya. Tsa'ma Chiga Quitsaja tsa'caen te'tai'ccu shoshovima ñotsse ondiqquiamba ti'tsse tsu que'imajan ondiqquiamba coira'je. ¿Micomba qui in'jambe canse'fa?

Mateo 17:20

Jesúsja su: —Que'ija toya ñame ñoa'me in'jan'fambi. Nane ñame aqquia re'riccoe in'jan'da ñoa'me osha'choma qui osha'faya. Mostasa cho ñoa'me'qque chipiri tsu. Que in'jan'choja tsa'caen chipirisi va rande ccotta'ccoma “Joqquitssipa cca'ttinga japa ccutsuja” qquen mandasi tsa'caen tsu jaya. Que'i tsa'caen ñame in'jamba nane osha'choma qui osha'faya.

Mateo 6:30

Shoshovija ja'ño injanga sho'yopa cansesi tu'i a'ija tsama taipa panma matssañe tsu oque'faya. Tsa'ma Chiga Quitsaja tsa'caen te'tai'ccu shoshovima ñotsse ondiqquian'da ti'tsse tsu que'ima ondiqquiamba coira'je. ¿Micomba qui Chigave in'jambe canse'fa?

Mateo 8:10

Jesús tsama pañamba sundaro capitáne asi'ttaén ccutsu. Tsomba piyicamba tisei'ccu jacansundeccuma su: —Ñoa'me gi su, va a'ija ñoa'me tsu ñame in'jan. Ni fae israe'su tsa'caen ñama in'jambi.

Marcos 4:35

Tsequi a'ta cosesi Jesúsja tisema shondosundeccuma su: —Jinge mar jonifani jaye.

Lucas 8:24

Dyopa Jesúsma qquendyaemba su'fa: —Na'su, Na'su cu'nomba gi paye tson'jen'fa. Tsonsi Jesúsja qquendyapa fingiama iyu'usi pasa. Rande shave'pama'qque iyu'usi ppimppianccuve da.

Lucas 8:26

Tsomba Galilea ande isevetsse ccattufa'fa Gadara andeni.