Lucas 7:47 - Cofán: Chiga Tevaen'jen

⁴⁷ Tsa'cansi gi quema su: Tsa pushesuja tsain'bitsse egae tsincon'chopa pa'ccoma joqquitssiangepa ñame ñotsse in'jan. Tsa'ma majan a'i re'riccoe egae tsincon qquen in'jamba re'riccoe joqquitssiangepa aqquia re'riccoe ñame in'jan.

Lucas 7:47 Referans Kwoze

1 Juan 4:19

Chigaja o'tie ingima ñotsse in'jansi gi Tisema ñotsse in'jan'fa.

1 Juan 3:18

Dushundeccu, aqquia aya'fai'ccuyi faenga'suma in'janqquia'caen afopoen'fajama. Tsa'ma ñoa'me in'jamba osha'cho tson'choi'ccu ñotsse in'jan'faja.

Isaías 1:18

Na'suja qquen su: “Ji'faja. Jinge que'i egae tsincon'chone condasecco'faye. Que'i egae tsincon'cho cutsse amundeqquia'caen que'ima daño'ni'qque gi me'tsse chandisu'ccoa'caen tototssia've que'ima giyaeña. Nane sarupa cu'a da'choma giya'tsse oveja tose'caen tototssia've tsonqquia'caen gi que'ima'qque tsa'caen giyaeña.

Galacia'su 5:6

Chhiyitevaemba canjaen'cho, ni chhiyitevaembe can'cho'qque, tsu ingima ccushaeñe oshambi. Tansi Jesucristove in'jamba gi ccusha'fa. Nane Jesucristove in'jamba fuengasuma'qque ñotsse in'jan'choyi tsu ccushaeñe bare.

Romanos 5:20

Tsonsi Chigaja Tise manda'choma condase cuintsu aindeccu tise'pa egae tsincon'choja ti'tsse ega qquen in'jan'faye. Tsa'ma tsa'caen in'ja'an'qque ti'tsse egae tsincon'fasi Chigaja a'ima ti'tsse mende'yepa ccushaen.

Efeso'su 6:24

Nane ingi poiyi'cco Na'su Jesucristoma anttembe'yi ñotsse in'jansi tsu Chigaja ingima ñotsse tsoña. Tsangaeyi.

Isaías 55:7

Egae tsincon'suja tise tson'jen'choma antteya'cho. Egae in'jan'choja tise injama'cho in'jan'choma antteya'cho. Nane Na'sunga toequi shanda'ninda tise tsu me'deyeya. Na'sunga toequi shanda'ninda tise tsu egae tsincon'choma aqque'paeña.

1 Juan 5:3

Chigama in'jan'chota tsu Tise manda'choma pañaña'cho. Aiye'pambi tsu Tise manda'choma pañamba tson'faye.

1 Timoteoga 1:14

Nane tsa'caen ñama mende'yepa tsu ingi Na'suja ñama ñoa'me ñotsse tson. Tsa'caen ñotsse tsonsi Cristo Jesúsi'ccu jinchopa gi Cristove in'jan. Nane Cristove in'jamba gi tisema ñoa'me ñotsse in'jamba canse.

Filipo'su 1:9

Que'ine gi Chigama iñajan que'i ñotsse in'jamba ti'tsse tsa'caen in'jan'faye. Iñajan gi cuintsu que'ija Chigane osha'choma ti'tsse atesupa injama'chonga ñoñamba tsa'caen canse'faye.

Tson'fa'cho 5:31

Chiga Quitsaja Jesúsma ti'tsse joccapitssia've tsomba Tisu tansinfanga ccutsian cuintsu na'suve daye. Toya'caen tsu Chigaja Jesúsveyi ccushaen'suve'qque tson cuintsu israendeccu'qque in'jan'da ccusha'faye. Nane tise'pa egae tsincon'choma antteye in'jamba Jesúsve in'jan'ninda tsu Chigaja tise'pa egae tsincon'choma joqquitssiaña.

1 Juan 1:7

Tsa'ma Chiga'caen a'tatssiani can'jen'da gi tisupapora fae'ngae jinchopa ñotsse canse'faya. Toya'caen Jesús anjampa tsu ingima ccucha'je osha'cho egae tsincon'cho'ye.

Lucas 7:39

Pushesu tsa'caen tsonsi Jesúsma ttuse'su fariseoja attepa tisu injama'choni asi'ttaen: “Va a'ija ñoa'me Chiga Aya'fa afa'suta tsu tisema pporaen'su pushesuma atesuya. Nane pushesu ma'caen egae tsincon'choma tsu atesuya.”

Mateo 10:37

Majan a'ija tise yayama, tise mamama ñama ti'tsse in'jan'da ñotssimbi tsu ña a'ive daye. Majan tise dutssi'yema, tise onque'ngema ñama ti'tsse in'jan'da ñotssimbi tsu ña a'ive daya.

2 Corinto'su 5:14

Nane Cristo a'ima ñotsse in'jan'choma atesupa gi ti'tsse a'ima candusian'jen. Fae'cco poiyi'ccone pasi ñoa'me poiyi'cco tisei'ccu fae'ngae pa'fa qquen gi in'jan'fa.

Lucas 7:46

Que ña tsovema yayapoembisi tiseja ña tsu'ttema ñome'bai'ccu onjoen.

Lucas 7:48

Tsomba Jesús pushesuma su: —Que egae tsincon'choja tayo joqquitssi.