Lucas 7:43 - Cofán: Chiga Tevaen'jen

⁴³ Simónjan su: —Jm jḿ. ¿Tsa ti'tsse shacaen'sumbi ti? Tsonsi Jesús tisema su: —Ñotsse qui in'jamba su.

Lucas 7:43 Referans Kwoze

Lucas 10:38

Jesús, tisema shondosundeccu'qque japa faesu canqquenga ca'ni'fa. Fa'e pushesuja, Marta, tseni can'jen. Martaja Jesúsma tisei'ccu jacansundeccuma'qque chigambiamba tise tsa'onga ca'nian.

Lucas 7:47

Tsa'cansi gi quema su: Tsa pushesuja tsain'bitsse egae tsincon'chopa pa'ccoma joqquitssiangepa ñame ñotsse in'jan. Tsa'ma majan a'i re'riccoe egae tsincon qquen in'jamba re'riccoe joqquitssiangepa aqquia re'riccoe ñame in'jan.

Marcos 12:34

Tsa'caen susi Jesúsja tsa a'i ñotsse in'jansi atesupa su: —Pan qui napiji Chiga a'ive daye. Tsonsi majañi'qque ccase catsepa iñajampaña'fambi.

Mateo 18:27

Qquen iñajansi na'suja tisema mende'yepa pa'cco tise'be shacama injanga fi'tti. Shacama fi'ttipa tisema fetta maña.

Lucas 7:42

Tsendeccu afepoeñe osha'fambisi na'suja poimbe shacama fi'tti. ¿Majan tsa dos a'i'su tsu na'suma ti'tsse in'jaña?

Lucas 7:44

Tsomba piyicamba pushesuma canjaemba Simónma su: —Va pushesuma canjan. Ña que tsa'onga ca'nisi queja tsa'ccuma afembi ña tsu'ttema cashiye. Tsa'ma va pushesuja tise inanzaccui'ccu ña tsu'ttema tssipoemba cashipa tise tosei'ccu ccucha.