Lucas 6:8 - Cofán: Chiga Tevaen'jen

⁸ Tsa'ma Jesúsja tise'pa in'jan'choma in'jamba tive dañonge'choma su: —Jipa va'ttinga ccutsuja. Qquen susi tiseja jangipa Jesúsi'ccu ccutsu.

Lucas 6:8 Referans Kwoze

Canjaen'cho 2:23

Toya'caen Jezabel dushundeccuma gi fi'ttiya. Tsa'caen tsonsi poiyi'cco ñame in'jamba bo'fa'chondeccu tsu ti'tsse ñane in'jan'faya. Nane ñajan a'i injama'cho tsosipie in'jan'choma injan'su qquen tsu in'jan'faya. Ñajan tsa'caen pa'tssima in'jamba gi tise'pa ma'caen tsonqquia'caen tise'panga afepoemba vanaeña.

Mateo 9:4

Jesúsja tise'pa in'jan'choma in'jamba su: —¿Jongoesie qui injama'choni qquen egae asi'ttaemba in'jan'fa?

1 Pedro 4:1

Cristo tise ai'voi'ccu ingine vana'choma injan'jemba tsu vanae'nijan tisia'caen dyombi'tsse vanañe qquen in'jan'faya'cho. Nane majan ai'voi'ccu vana'jen'da egae tsincon'choma tsu tayo antte'fa.

Hebreo'su 4:13

Nane Tisenga gi pa'cco ingi tson'chone tansintsse condase'faya'cho. Tiseja poiyi'cco Tise agattoensi jincho'choma atesuchopa caña'jen'nijan ¿ma'caen gi a'tu'faya? Nane Tisenejan osha'cho tsu chu'cco ccuiqquia'caen a'tatsse attian'fa.

Filipo'su 1:28

que'ima se'pi'su'ta que'ima dyoñañe osha'faya'bi. Dyoñañe oshambipa tise'pa tsangae pa'faya'chone tsu in'jan'faya. Tsa'ma que'i'qque tsa'caen dyombipa qui Chiga ccushaeña'chove in'jan'faya. Chiga canjaen'cho tsu.

Tson'fa'cho 26:26

Nane ande na'su Agripa'qque tsu pa'cco vama atesu. Tsa'cansi gi dyombi'tsse afa'je tise paña'jen'ni. Vaja a'tutsse tson'chombi tsu. Tsa'cansi tise'qque pa'ccoma atesu'cho, qquen gi in'jan.

Tson'fa'cho 20:24

Tsa'ma mingavieyi'qque gi tsane dyombi. Ni paye'qque gi dyombi. Nane ñoa'me gi in'jan Na'su in'jan'cho sema'bama avujatsse naniñe. Na'su Jesús tsa sema'banga ñama mandasi gi va Chiga ingima in'jan'chone ñotsse condase'choma condase'je.

Juan 21:17

Tsomba ccase, tercera se iñajampaña: —Simón, Jonás dutssi'ye, ¿aqquia ti qui ñama in'jan? Pedroja ñombi'ye, ja'ño tres se iñajampaña'ba “¿Aqquia ti qui ñama in'jan?” qquen iñajampañasi. Ñombi'yepa su: —Na'su, que qui pa'ccoma atesucho. Que qui atesu ña quema in'jan'choma. Tsonsi Jesúsja su: —Tsa'caenda ña a'ima atesianjan ovejama'caen.

Juan 9:4

Toya a'ta a'ija sema'jen'fa. Cose'nijan majañi'qque semañe osha'fambi. Tsa'caen ja'ño ñajan toya oshapa gi ña Yaya manda'choma tsoña'cho.

Juan 2:25

Nane Jesúsja poimbe injama'cho ma'caen jincho'choma atesuchosi tsu me'i'on tisenga ti'tsse a'ine conda'suve.

Lucas 5:22

Jesúsja tise'pa iñajampañacco'fa'choma in'jamba su: —¿Jongoesie qui injama'choni qquen asi'ttaemba iñajampañacco'fa?

Isaías 42:4

Quimbiya'bi ni ñombi'yeya'bi poi andema ñotsse tansintsse mandaya'ngae. Nane mar'su anttepo'cho'su aindeccu'qque tise ñotsse mandaya'chove ronda'je'fa.”

Salmos 44:21

queja tsama'qque atesuye'can. Nane queja ingi injama'cho tsosipie in'jan'choma'qque atesucho.

Job 42:2

In'jan gi queja osha'choma oshacho. Nane me'i'on tsu que oshambi'choa've.

Lucas 6:9

Tsonsi Jesús poiyi'ccoma iñajampaña: —Chiga manda'cho sema'ma'qquia a'ta egae tsoñe se'pi'ta ¿ñotsse tsoñe'qque ti se'pi? Fi'ttiye se'pi'ta ¿ccushaeñe'qque ti se'pi?

Marcos 3:3

Tsonsi Jesús tive dañonge'choma su: —Jangipa jipa ccutsuja enttingenga.

Lucas 13:12

Jesúsja tisema attepa ttu'sepa su: —Pushesu, tayo qui ccusha que paji'choma.