Lucas 6:38 - Cofán: Chiga Tevaen'jen

³⁸ Cca'indeccunga tsu afe'faya'cho. Tsa'caen tso'ninda tsu Chiga'qque que'inga afeya. Agatto'cho tasanga on'boemba pisa'ñacca tssai oyae'ñacca on'batsse on'boenqquiacaen tsu Chigaja que'inga afeya. Nane que'i cca'indeccunga afeye agattoqquia'caen tsu Chiga'qque agattopa que'inga afeya.

Lucas 6:38 Referans Kwoze

Marcos 4:24

Toya'caen tsu su: —Ñotsse in'jamba paña'faja. Que'i agattopa cca'indeccunga afeqquia'caen tsu Chigaja agattopa que'inga afeya. Toya'caen ti'tsse'qque tsu que'i pañasundeccunga afeya.

Mateo 7:2

Nane que'i cca'i shacama tta'ttapa suqquia'caen tsu Chiga'qque que'i shacama attepa suya. Que'i cca'indeccu egae tsincon'choma agattoqquia'caen tsu Tiseja que'i egae tsincon'choma'qque agattopa shacama atteya.

Mateo 10:42

Majan ñama shondosundeccu du'shuaca'on joccapitssiambi tsu. Tsa'ma majan a'i “Tsendeccu Jesúsve in'jan'fa” qquen in'jamba cha'ndia tsa'ccuma cui'ña'da tise'qque Chigane ñotsse tsu isu'faya.

Lucas 6:30

Majan a'i osha'chove quema iñajan'ninda se'pimbe'yi afe'faja. Majan a'i que an'bian'choma itsa'ninda toequi afeye iñajan'fajama.

Santiago 2:13

Nane Majan faesuma mende'yembian'da Chiga'qque mende'yembe'yi tsambe injama'choma somboeña. Tsa'ma majan faesuma mendeye'choja patsu'faya tsu, injama'choma somboeña'cho a'ta napisi.

Job 42:11

Chiga tisenga tsa'caen ñotsse afesi poiyi'cco tise quinshingendeccu, que'ttendeccu, tise faengasundeccu'qque tisema can'su ji'fa. Poiyi'cco tise tayopi in'jan'chondeccu tsa'caen ji'fasi tise tsaoni fiestaen'fa. Poiyi'cco tsu Jobma ñotsse fuiteye condasepa tisema Na'su vanaen'chone tisema mende'yepa afa'fa. Toya'caen poiyi'cco tsu tisenga majan corifin'di toya'caen cori sotijama afe'fa.