Lucas 5:37 - Cofán: Chiga Tevaen'jen

³⁷ Toya'caen tsu a'ija vinoma cupoemba tssoru ttono botiyanga fiñañambi. Vinojan omppantssimba ttonoma chittaemba tsu catiyeya. Toya'caen ttono'qque tsu tsangae dañongeya.

Lucas 5:37 Referans Kwoze

Josué 9:13

Toya'caen cuna ttono botiyama gi isupa vinoma fiñamba sombopa ji'fa. Tsa'ma ja'ño sambapa tayo doji. Ingi sapato, ingi ondiccu'je'qque tayo tssoruve da'fa biani ji'fasi.

Josué 9:4

asi'ttaemba afopoeñe ashaen'fa. Nane tssoru saquiyo toya'caen vinoma angaqque'su ttono botiyama pi'pi'choma'qque otsian'fa tise'pa boronga.

Mateo 9:17

Toya'caen tsu a'ija vinoma cupoemba tssoru ttono botiyanga fiñaña'mbi. Vinojan omppantssimba ttonoma chittaemba tsu catiyeya. Toya'caen ttono'qque tsangae dañongeya. Tsa'ma cuna vinomanda tsu cuna ttono botiyanga fiñaña'cho. Tsa'caen fiñasi vino ttono'qque dañongembe'yi ccutsuya.

Lucas 5:36

Tsa'caen supa Jesúsja faesu condase'choma condase: —A'ija cuna ondiccu'jema chittaya'bi tssoruma pi'piye. Tsa'caen tson'da cunama'qque tsu dañoña. Toya'caen ma'ppa'ninda tsa pi'pi'cho zupa tssoru ondiccu'jema ti'tsse chittaya.

Lucas 5:38

Tsa'ma cuna vinomanda tsu cuna ttono botiyanga fiñaña'cho. Tsa'caen fiñasi vino, ttono'qque dañongembe'yi ccutsuya.