Lucas 4:8 - Cofán: Chiga Tevaen'jen

⁸ Jesúsja pañamba su: —Satana, biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Lucas 4:8 Referans Kwoze

Deuteronomio 6:13

Na'su que'i Chigama ñotsse in'jamba tise'veyi shondo'faja. Que'i su'cho tansintssia qquen canjaeñe in'jamba tise inisei'ccuyi afa'faja.

Mateo 4:10

Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Canjaen'cho 19:10

Tsonsi gi puntssamba afa'sumbe tsutteccofanga ccarupa dyai tisema ñotsse afaye. Tsa'ma tiseja ñama su: —Tsa'caen tsonjama. Que, que faenga'su Jesúsma pañamba in'jan'chondeccu'qque Chigambe semasundeccu qui. Ña'qque quei'ccu fae'ngae Chigambe sema'su gi. Chiganga ccarupa ñotsse afaja. Nane poiyi'cco majan Jesúsve in'jamba tansintsse condase'ta ñoa'me Chigane afasundeccu tsu.

Canjaen'cho 22:9

Tsa'ma ccaru dyaisi tsu ñama su: —Tsa'caen tsonjama. Que'i'ccu fae'ngae gi Chigambe sema'su. Nane que, que faenga'su Chiga Aya'fama afasundeccu, poiyi'cco va tevaen'choma camba in'jan'chondeccu'qque ñai'ccu fae'ngae Chigambe semasundeccu tsu. Nane Chiga Quitsaveyi in'jamba Tisenga ccarupa ñotsse afaja.

Santiago 4:7

Tsa'cansi tisuma Chiganga afepa cocoya na'suma se'pi'faja cuintsu que'i'ye joqquitssi jaye.

Lucas 4:4

Jesúsja tisema su: —Chiga Tevaen'jenga qquen tsu tevaen: “A'ija aqquia panmeñi amba canse'faya'bi. Tsa'ma Chiga Aya'fa in'jaensi tsu canse'faya.”

1 Samuel 7:3

Tsonsi Samuelja poiyi'cco israendeccunga conda: “Que'i pa'cco injama'choi'ccu ñoa'me toequi Na'su Chiganga jiye in'jan'da que'i ñoña'cho chigama cati'faja. Toya'caen Astartéma ñoña'cho chigama'qque tsu cati'faya'cho. Tsesuma catipa tsu pa'cco tisu injama'choi'ccu tisu Chigaveyi in'jamba shondoya'cho. Tsa'caen tson'ninda tsu Na'suja que'ima ccushaeña filisteondeccu'ye.”

1 Pedro 5:9

Poi andeni'su faenga'su Jesúsve in'jan'chondeccu tsa'caen vana'jen'fa, qquen atesupa que'i'qque Chigave ñoa'me in'jamba cocoya na'sui'ccu iyicco'faja.

Mateo 16:23

Tsa'ma Jesús pañamba piyicamba Pedroma su: —Satana, ¡ña'ttie joqquitssija! ¿Ñama qqueñañe ti qui in'jan? Ñoa'me Chiga in'janqquia'caen qui in'jambi. A'i in'janqquia'caen qui in'jan.

Lucas 4:7

Que ñanga ccarupa iñajan'ninda tsu pa'cco vaja quembe.