Lucas 23:47 - Cofán: Chiga Tevaen'jen

⁴⁷ Tsonsi sundaro capitán tsa'caen da'choma attepa Chigama ñotsse afapa su: —Ñoa'me va a'ija egae tsincombi.

Lucas 23:47 Referans Kwoze

Marcos 15:39

Sundaro capitán tse'tti Jesúsma can ccutsu'su Jesús ma'caen fundopa pa'choma attepa qquen su: —Va tsandieja ñoa'me Chiga Dutssi'ye tsu.

Mateo 27:54

Tsa'caen tsonsi sundaro capitán, faesu Jesúsma caña'jen'cho sundarondeccu'qque osha'choma atte'fa. Ande oya'je'choma'qque in'jamba dyo'fa. Dyopa su'fa: —¡Va tsandieja ñoa'me Chiga Dutssi'ye tsu!

Lucas 23:41

Ingija egae tsincomba gi ja'ño vanamba tsane afepoen'jen'fa. Nane manda'cho mandaqquia'caen gi pa'faya. Tsa'ma va a'ija egae tsincombi.

Mateo 9:8

Jasi poiyi'cco a'i tsa'caen ccushaen'choma attepa dyo'fa. Chiga tsa'caen a'ima anttesi osha qquen in'jamba Chigama ñotsse afa'fa.

Juan 19:7

Tsa'ma israendeccuja su'fa: —Tiseja “Ña gi Chiga Dutssi'ye” qquen supa tsu shacapa. Nane ingi manda'cho jinqquia'caen tsa'caen su'cho a'imajan fi'ttiya'cho.

Mateo 27:51

Tise pasi tse'faei'ccuyi Chiga etti'su Chigai'ccu cachuicco'je'cho cuartoma picco'je'cho sarupa'qque chittain ja. Sefane chitta ashaemba andepaningae chittain ja. Ande'qque oyasi patuvo'cho'qque do'fa.