Lucas 23:34 - Cofán: Chiga Tevaen'jen

³⁴ Ccutsiansi Jesúsja su: —Yaya, tise'pa'ye va egae tsincon'choma joqquitssianjan. Va aindeccuja tise'pa tson'jen'choma atesu'fambi. Toya'caen sundarondeccuja gana qquen cofe'je'fa Jesús ondiccu'je'cho sarupama attufaenccoye.

Lucas 23:34 Referans Kwoze

Mateo 5:44

Tsa'ma ñanda gi que'ima su: Que'ima chi'ga'fa'niqque ñotsse in'jan'faja. Que'ima afasesundeccuma ñotsse afa'faja. Que'ima chi'gasundeccuma ñotsse tson'faja. Que'ima afasepa noñangiansundeccuma in'jamba tise'pane Chigama iñajan'faja.

Tson'fa'cho 7:60

Qquen supa ccaru dyaipa quia'me fundopa afa: —¡Na'su va fi'ttisundeccunga shacama anttejama! Qquen supa tsu pa.

1 Pedro 3:9

Faesu que'ima egae tsonsi ccane'qque egae tson'fajama. Egae afasesi ccane'qque afase'fajama. Tsa'ma ccane'qque tisema ñotsse tson'faja. Nane Chigaja que'ima in'jamba tsa'caen ttu'se osha'cho ñotssiama que'inga afeye.

Romanos 12:14

Cca'indeccu que'ima vanaen'jen'ni'qque afasembe'yi tise'pama ñotsse afa'faja. Nane Chigama iñajan'faja cuintsu tise'pama ñotsse tsoñe.

1 Corinto'su 2:8

Ja'ño'su ande nasundeccu va Chiga in'jan'choma atesu'fambi. Nane in'jan'choecan'da ñoa'me tsu Joccapitssia Na'su Cristoma avuja'cconga fi'tti'fambiye'can.

Salmos 22:18

Gana qquen co'fepa tsu ña ondiccu'je'cho sarupama attufaemba isu'fa.

Génesis 50:17

quenga qquen suye: ‘Quema gi iñajan chigáne que antiandeccu egae tsincon'choma aqque'papa ñoquija. Nane ñoa'me tsu tsendeccu quema egae tson.’ Tsa'caen su'chosi gi quema iñajan'fa ingi egae tsincon'choma aqque'paja. Nane ingita gi que yayambe Chigama shondosundeccu.” Tsa'caen su'fa'choma conda'fasi pañamba Joséja i'na.

Isaías 53:12

Tise tsa'caen tsonsi Chigaja tisema joccapitssia've tsoña cuintsu ti'tsse mandasundeccui'ccu fae'ngae patsu'faye. Nane tiseja fi'tti'chonga afeyepa faesu egae tsincon'su tsu, qquen su'fa. Tsa'ma ñoa'me tsain'bio aindeccu egae tsincon'choma anga tsendeccune Chigama iñajamba ñoquiañe.

1 Timoteoga 1:13

Nane ñajan tayoe ñotsse condase'choma afasepa Cristove in'jan'chondeccuma noñangiamba da'ño. Tsa'ma ñajan toya tise've in'jambipa atesumbe'yi tsa'caen tsinconsi Chigaja ñama mende'ye.

Tson'fa'cho 3:17

Antiandeccu, atesu'fa gi que'i nasundeccu'qque tisupa ma'caen tson'chove atesumbe Jesúsma fi'tti'fa.

1 Corinto'su 4:12

Ingi tivei'ccu gi quinsetsse sema'fa tisu ganamba canseye. A'i ingima afase'fa'ni'qque tise'pama ñotsse gi afa'fa. Ingima noñangian'fa'ni'qque opatsse gi vana'jen'fa.

Mateo 11:25

Tse'i Jesús Chiga Quitsama qquen iñajan: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Va ande'su injama'pandeqquianga qui Tisuma canjaembi. Tsa'ma injama'pandeqquianga Tisuma canjaembipa qui va du'shiacandeqquianga Tisuma canjaen. Nane ñotssia du'shu pañaqquia'caen tise'paja ñotsse pañamba in'jan'fa.

Juan 19:11

Jesúsja su: —Chiga anttembiecan'da qui ñane mandaye oshambiye'can. Tsa'cansi ñama quenga afesundeccu tsu quema ti'tsse shacapa'fa:

Marcos 15:24

Tsa'caen tsomba Jesúsma oti'fa avuja'cconga. Oti ccutsiamba tise ondiccu'je'cho sarupama isupa attufaen'fa. Gana qquen co'fe'fa majan jongoesuma isu've'se.

Mateo 11:26

Ju, Yaya, tsa'caen in'jamba ñotsse qui tson.

Lucas 22:42

su: —Yaya, que in'jan'da va ña vanaña'choma joqquitssianjan. Tsa'ma joqquitssiañe in'jambi'ta que in'janqquia'caen tsonjan. Ña in'jan'chomajan me'i.

Juan 17:9

Tsendeccune gi iñajan. Poiyi'cco va andesundeccunejan iñajambi gi. Tsa'ma que in'jaensi ñai'ccu jacansundeccune gi iñajan. Nane quembe'fa tsu.

Tson'fa'cho 16:28

Tsa'ma Pabloja quia'me afapa su: —¡Tisu pajama! Ingija poiyi'cco gi va'tti can'jen'fa.