Lucas 21:37 - Cofán: Chiga Tevaen'jen

³⁷ Poi a'ta Jesúsja Chiga ettini can'jemba atesian'jen. Tsa'ma cose'ninda Olivo ccotta'cconga japa ana'jen.

Lucas 21:37 Referans Kwoze

Lucas 22:39

Tsomba Jesúsja sombopa tise in'janqquia'caen Olivo ccotta'cconga ja. Tisema shondosundeccu'qque fae'ngae jaja'fa.

Marcos 11:19

Tsa'caen tson'jen'ni tayo cose jisi Jesúsja canqque'ye sombopa ja.

Mateo 26:55

Tsomba Jesús poiyi'cco a'ima su: —¿Ñanda ti gi fi'ttipa ccana'su? ¿Tsa'cansi ti qui matichi, quini'ccoi'ccu ñama indiye ji'fa? Nane poi a'ta gi Chiga ettinga dyaipa atesian'jen'ma qui ñama indi'fambi.

Mateo 21:17

Tsomba Jesús tise'pama catipa ja. Canqquene sombopa Betaniani japa cosesi ana.

Mateo 21:1

Jerusaléni ca'tsa napijipa Betfagéni napi'fa. Tsaja Olivo ccotta'cco pporotssi. Tseni napipa Jesúsja dos tisema shondosundeccuma manda

Tson'fa'cho 1:12

Tsonsi Olivo ccotta'ccone andepa Jerusaléni ja'fa. Nane Olivo ccotta'ccoja Jerusalén pporotssi, israendeccu sema'ma'qquia a'ta jacañe in'janqquia'caen biambi'cco.

Juan 12:1

Toya seis a'ta shacasi Chiga panshaen'cho injienge'cho a'ta napimbi'te ingija Jesúsi'ccu ja'fa Betaniani, Lázaro pasi Jesús ccase qquendyaen'cho canseni.

Lucas 19:37

Olivo ccotta'ccoma andepa Jerusaléni catsesi tsain'bio tisema shondosundeccu bopa avujatsse afaye ashaen'fa. Jesús ñotsse tsonsi attepa quia'me fundopa Chigama ñotsse afa'fa.

Marcos 11:12

Ccaqui a'ta Betaniane sombopa jayipa Jesúsja qquipoe'su.

Mateo 26:30

Settapoen nanimba sombopa Olivo ccotta'cconga ja'fa.

Marcos 14:49

Nane poi a'ta gi Chiga ettinga dyaipa atesian'jen'ma qui ñama indi'fambi. Tsa'ma Chiga Tevaen'jen ñama fi'ttiya'chone tevaensi ja'ño tsu tsa'caen tsoña'cho ñoa'me su'cho qquen canjaeñe.

Lucas 19:29

Betfagéni, Betaniani pan napijipa Olivo ccotta'cconi pporotsse can'jemba tisema shondosundeccu'suma dosve manda moen

Lucas 19:47

Jesúsja poi a'ta Chiga ettini can'jemba atesian'jen. Chigama afa'su nasundeccu, Chiga Tevaen'jema atesu'chondeccu, joccapitssia israendeccu'qque ttatta'fa ma'caen Jesúsma fi'ttiya'chove.

Juan 18:2

Judas, Jesúsma indiye afe'su'qque tsa quinisisiccoma atesucho, Jesúsja tsain'bitsse tseni ja'jesi ingi tisema shondosundeccui'ccu.