Lucas 21:33 - Cofán: Chiga Tevaen'jen

³³ Chiga sefacconi tsu pasaya. Va ande'qque pasaya. Tsa'ma ña aya'faja tsangae tsu jinchoya.

Lucas 21:33 Referans Kwoze

Isaías 40:8

Shoshovi sambasi te'ta'qque pandipa sheque'faya. Tsa'ma ingi Chigambe Aya'faja tsangae tsu jinchoya.”

Marcos 13:31

Nane sefacco, ande'qque pasaya. Tsa'ma ña aya'faja pasaya'bi. Ñoa'me su'cho tsu. Ña suqquia'caen tsu daya.

Mateo 24:35

Nane sefacco, ande'qque pasaya. Tsa'ma ña aya'faja pasaya'bi. Ñoa'me su'cho tsu. Ña suqquia'caen tsu daya.

Salmos 102:26

Osha'cho tsaja sefaqque'su tsu. Tsa'ma queja tsangae can'jeña. Osha'cho tsaja sarupa'caen tssoruve dapa congoña. Nane ondiccu'jema cambianqquia'caen queja tsama ccaningae tsonsi tsu tsa'caen ccaningae daya.

Mateo 5:18

Ñoa'me gi que'ima su: Sefacco ande'qque osefaeña'cho napiya'ngae tsu Chiga manda'choja toya jinchoya. Ni fae tevaen'tti'cco tsu pasaya'bi. Nane Chiga in'jamba manda'chove tsoña'gae ni fae e'e'qque pasaya'bi.

1 Pedro 1:25

Tsa'ma Na'su Chiga Aya'faja tsangae tsu jinchoya. Tsa Chiga Aya'faja que'inga condase'cho ccushaeña'cho aya'fa tsu.

Canjaen'cho 20:11

Tsomba rande totoa na'su dyaipa'choma gi atte. Tsani dyai'suma'qque gi atte. Pa'cco ande, pa'cco sefacco'qque Tisene ccuyin jaqquia'caen me'i'en da'fa. Tise'pa mani jinchoya'chove me'i'on.

Lucas 16:17

Tsa'ma Chiga manda'choja pasaya'bi. Ni fae tevaen'ttiyi'qque pasaya'bi. Nane bove aiye'pambicco tsu sefacco, ande pasa'faya'cho. Tsa'ma Chiga manda'choja pasaya'bi.

Lucas 21:32

Ñoa'me gi su va ja'ño can'jensundeccu pambi'te tsu osha'cho tsa'caen napiya.