Lucas 20:23 - Cofán: Chiga Tevaen'jen

²³ Tsa'caen Jesúsma qqueñañe iñajampaña'fasi Jesúsja tise'pa in'jan'choma in'jamba qquen tise'pama su:

Lucas 20:23 Referans Kwoze

1 Corinto'su 3:19

Va ande'su a'i osha'choma atesupa in'jan'choja ñoa'me sumbi tsu. Qquen tsu Chigaja va ande'su in'jan'choma su. Chiga Tevaen'jen qquen tsu su: “Na'su Chigaja injama'pandeqquiama tise'pa in'jan'choi'ccu tsu qqueñaña.”

Hebreo'su 4:13

Nane Tisenga gi pa'cco ingi tson'chone tansintsse condase'faya'cho. Tiseja poiyi'cco Tise agattoensi jincho'choma atesuchopa caña'jen'nijan ¿ma'caen gi a'tu'faya? Nane Tisenejan osha'cho tsu chu'cco ccuiqquia'caen a'tatsse attian'fa.

1 Corinto'su 10:9

Na'su Chigama iyicca'yian qquen tsonjama. Majan ingi tayopi'su coenzandeccu tsa'caen tsonsi Chigaja iyoi'ccu tise'pama fi'tti.

Lucas 20:20

Tsa'caen indiye oshambipa a'tutsse tisema can'boen'fa. Toya'caen cca'indeccuma moen'fa Jesúsma shondosundeqquia'caen attian'faye. Tsendeccuja Jesúsma can'boemba tise jongoesu qquen su'choma ttatta'fa tisema afopoemba indipa governaroronga afeye.

Lucas 6:8

Tsa'ma Jesúsja tise'pa in'jan'choma in'jamba tive dañonge'choma su: —Jipa va'ttinga ccutsuja. Qquen susi tiseja jangipa Jesúsi'ccu ccutsu.

Lucas 5:22

Jesúsja tise'pa iñajampañacco'fa'choma in'jamba su: —¿Jongoesie qui injama'choni qquen asi'ttaemba iñajampañacco'fa?

Mateo 22:18

Tsa'caen Jesúsma qqueñañe iñajampañasi Jesúsja tise'pa egae in'jan'choma in'jamba qquen tise'pama su: —Que'ija ño'ame attianqquia'caen afopoensundeccu qui. ¿Jongoesie qui ñama qqueñañe in'jamba ya'caenjan iñajampaña'fa?

Mateo 16:1

Tsonsi fariseondeccu, saduseondeccu'qque Jesúsnga ji'fa. Jipa tisema qqueñañe in'jamba sefacconi'su canjaen'chove atteye iñajan'fa.

Salmos 95:9

Nane que'i tayopi'su coenzandeccuja ña ñotsse tson'choma atte'ma ñama noñangian'fa.

Lucas 20:22

¿Chiga manda'chota ti antte cuintsu ingija na'su Césarnga impuestoma afeye? ¿Tsambi'ta se'pi ti?

Lucas 20:24

—Corifin'dima ñanga canjaenjan. ¿Majambe tsove, majambe tevaen'cho tsu vaja? Tise'paja su'fa: —Na'su Césarmbe.

Tson'fa'cho 13:10

su: —¡Que qui afopa'cho, injamambi, cocoya na'su in'jan'cho! ¡Pa'cco ñotssiane qui chi'ga'cho! ¿Mingapa qui anttembe Na'su Chiga tansintssia tsaiquima dañoqquia'caen Tisene atesian'jen'choma daño'jen?

Efeso'su 4:14

Ja'ñonda gi toya du'shua'caen canse'faya'bi. Nane fingian shave'pama vafanga ccafanga angaqquia'caen dushunaccuja osha'cho atesian'choma pañamba in'jan'fa. Egae atesiansundeccuja ñotssia aya'fai'ccu afopoemba du'shuma qqueñañe in'jan'fa.