Lucas 20:13 - Cofán: Chiga Tevaen'jen

¹³ Tsonsi o'fa tsajaccumbe na'suja su: “¿Ma'caen gi tsoña? Ña in'jan'cho dutssi'yema gi moeña. Tisemanda tsu paña'faya.”

Lucas 20:13 Referans Kwoze

Mateo 3:17

Sefaccone aya'fa'qque afapa qquen su: —Vaja ña in'jan'cho Dutssi'ye tsu. Ñoa'me gi tisema ñotsse in'jan.

Galacia'su 4:4

Tsa'ma tseyi Tise in'jan'cho a'ta napijisi Chigaja Tise Dutssi'yema va andenga moen. Israe'su pushesu isusi tsu israe'suve da. Cca'i israendeqquia'caen tise'qque manda'choma pañamba canseye ji.

Romanos 8:3

Nane ingi ai'vo in'jan'cho ñotssia manda'cho in'jaen'choma patsusi Chiga manda'choja ingima ccushaeñe oshambi. Oshambisi Chigaja ingima ccushaen. Nane Chigaja Tise Dutssi'yema moen cuintsu ingia'caen egae tsinconqque'su ai'vove dapa papa egae tsincon'choma patsuye. Jesúsja tsa'caen tise ai'voi'ccu egae tsincon'choma patsu

Juan 1:34

Attepa gi que'inga conda va Jesúsja ñoa'me Chiga Dutssi'ye tsu.

Lucas 9:35

Ccuttopa'si'ye aya'faja qquen afa: —Vaja ña in'jan'cho Dutssi'ye tsu. Tisema paña'faja.

Mateo 17:5

Pedro toya afa'je'ni unjimba tototssia ccuttopa'sia'caen tise'pama picco. Tsonsi ccuttopa'si'ye aya'faja su: —Vaja ña in'jan'cho Dutssi'ye. Tisema gi ñotsse in'jan. Tisema paña'faja.

Oseas 11:8

Efraíndeccu: ¿Ma'caen gi quema catiya? Ju, que'i israendeccu: ¿Ma'caen gi quema antteya? ¿Osha ti gi Adma canqquema sefaenqquia'caen que'ima'qque sefaeñe? Nane ¿Osha ti gi Zeboimma tsonqquia'caen que'ima'qque tsoñe? ¡Me'in! Injama'cho tsosipie que'ima ñotsse in'jansi ña in'jan'choja ccaninga tsu.

Oseas 6:4

Na'suja qquen su: “Efraín (israendeccu): ¿Jongoesian gi quei'ccu tsoña? Judá (judándeccu): ¿Jongoesian gi quei'ccu tsoña? Que'i ñama in'jan'choja ñoa'me sinte'su ccuttopa'sia'can tsu. Nane sinte'su suruno'caen junde tsu metsse daya.

Lucas 18:2

Qquen tsu Jesúsja condase: —Fae canqqueni ñoquian'suja can'jen. Chigave in'jambipa dyojombipa ni fae a'i faesuma bove ñotssi qquen in'jambi.

Lucas 18:4

ñoquian'suja fuiteye in'jambi'ma asi'ttaen: “Ñajan Chigave in'jambipa dyojombi ni fae a'i faesuma ti'tsse'o qquen in'jambi.

Lucas 20:12

Tsonsi ccase tres se faesu shondo'suma'qque moen. Tsendeccuma'qque iñaccaemba joqquitssian'fa.

Lucas 20:14

Tsa'ma coirasundeccuja na'sumbe dutssi'yema attepa tisupaporai'ccu qquen condasecco'fa: “Vaja jai'ngae osha'choma isupa na'suve daya'cho. Jinge tisema fi'ttipa o'fa tsajaccuma tisumbe isu'faye.”