Lucas 2:40 - Cofán: Chiga Tevaen'jen

⁴⁰ Du'shu Jesús coenjimba quinsetssia've da. Chiga tisema ñotsse in'jansi osha'choma atesupa in'jan.

Lucas 2:40 Referans Kwoze

Lucas 2:52

Jesúsja ti'tsse coemba osha'choma atesu. Poi a'i tisema ñotsse in'jan'fa. Chiga Quitsa'qque tisema ñotsse in'jan.

Lucas 1:80

Du'shu Juan Chigave in'jamba coen. Tayo coemba a'i menia japa bo'tsse tseni can'jen. Nane tise israendeccuma candusiaña'cho napiya'ngae tseni ro'ndá can'jen.

Juan 1:14

Chiga Aya'faja a'ive dapa ingi'ccu can'jen. Tiseja ti'tsse'tssiasi gi atte'fa. Nane Chiga Dutssi'yeyi tsu tsa'caen ti'tsse'tssia. Tiseja osha'cho ñotssiaveyi tsomba tansintssia'veyi conda.

1 Samuel 3:19

Samuel coenjinsi Na'su Chigaja tisema fuite'je. Toya'caen pa'cco tise su'choma tson.

Lucas 2:47

Jesúsja osha'choma in'jamba tsa'caen condasesi poiyi'cco majan tisema pañasundeccu can'boen'fa.

Salmos 22:9

Que qui tson cuintsu ña mama ñama isuye. Ña mamama chocho'jesi que qui coira.

Jueces 13:24

Omboe pushesuja tsandie du'shuve isupa tisema inisian Sansónme. Tsa coenjinsi Na'suja tisema ñotsse tson'jen.

2 Timoteoga 2:1

Que, ña dutssi'ye, Na'su Cristo Jesúsi'ccu jinchosi Tise quema ñotsse tsonsi injama'choni quinsetssie daja.

Efeso'su 6:10

Ja'ño faengasundeccu, Na'su Cristoi'ccu fae'ngae jinchosi tise que'ima quiñaensi tise quin'sui'ccu canse'faja.

Tson'fa'cho 4:33

Chiga tsa'caen tise'pama in'jaensi Jesúsne afasundeccuja Na'su Jesús papa ccase qquendya'chone condasesi tsain'bio a'i pañamba in'jan'fa. Toya'caen Chiga poiyi'ccoma fuitepa ñotsse tsonsi

Salmos 45:2

Queja poi tsandiendeccuma ti'tsse ñocca'tssia. Osha'cho ñotssiayi tsu que aya'fa'ye sombo'je. Tsa'cansi Na'su Chigaja tsangae quema ñotsse in'jamba tson'jen.