Lucas 19:8 - Cofán: Chiga Tevaen'jen

⁸ Tsa'ma Zaqueoja jangi ccutsupa Na'su Jesúsma su: —Na'su, que canjan. Ña an'bian'choma enttingeve gi va'chandeccunga afeya. Ñajan majama afopoemba cca'na'da gi cuatro se ti'tsse'e'qque toequi afeya.

Lucas 19:8 Referans Kwoze

2 Samuel 12:6

¡Toya'caen tsu va'changa afepoeña'cho ccattufayi se oveja du'shu bare'chone! ¡Nane injama'cho me'choqquia'caen tsa'caen tson'da tsu afepoeña'cho!

Lucas 12:33

Que'i vani an'bian'choma chavaen'faja mendeqquianga afeye. Tsa'caen afepa qui Chiga sefacconi osha'cho ñotssiama boña'faya. Tseni an'bian'choja mingui'te'qque sefaya'bi ni tssoruve daya'bi. Ccanamba'qque cca'nañe oshambi ni shipicco añe oshambi.

Lucas 16:9

Ñoa'me gi que'inga su: Corifin'dija ega na'su tsu. Tsa'ma ñotsse in'jamba que'i corifin'di'ccu cca'indeccuma fuite'faja corifin'di sefasi sefacconi osha'choma ñotsse an'biamba tsangae Chigai'ccu canseya.

Lucas 11:41

Bove ñotssi tsu que injama'choni ñotsse in'jamba tsa'caen cca'indeccunga ñotsse tsoña'cho cuintsu Chigama ñoa'me avujaeñe. Que'i injama'cho ñotssimanda qui ñoa'me pa'cco giya'tssi.

Lucas 7:13

Na'su Jesús tsandupajen'choma attepa mende'yepa su: —I'nambe canjan.

Éxodo 20:16

“Afopoenjama tisupaporama dañomba afasa'ne.

Lucas 7:19

Condasesi pañamba Juanjan tsendeccu'suma dosve ttu'sepa Na'su Jesúsni maña. Tsendeccu jipa Jesúsma su'fa: —Feti'su Juan tsu ingima mandamaña quema qquen iñajampañañe: “¿Que ti qui Cristo, jiya'cho qquen su'choja? Tsambi'ta ¿faesuve ti gi ronda'je'faya?”

Lucas 19:7

Poiyi'cco a'i can'boemba afaccoye ashaen'fa: “Jesúsja egae tsincon'sumbe tsa'onga ca'nimba can'jen” qquen su'fa.