Lucas 18:32 - Cofán: Chiga Tevaen'jen

³² Nane Chiga Tevaen'jen condaqquia'caen israendeccuja israembindeqquianga ñama afe'faya. Tsa'caen afesi ñama afasepa egave noñangiamba chi'gapa ñanga attupoen'faya.

Lucas 18:32 Referans Kwoze

Lucas 23:11

Herodes, tise sundarondeccu'qque Jesúsma chi'gapa afase feña'jen'fa. Ñotssia na'su sarupa'cain'ccu tisema ondiqquiamba toequi Pilatonga maña.

Isaías 53:3

Nane a'ija tisema chi'gapa cati'fa. Ñombi'ye'su a'i tsu. Nane vanañe atesu'cho tsu. A'tuqquia'caen gi tisema panshan'fa. Barembi tsu qquen in'jamba gi tisema chi'ga'fa.

Tson'fa'cho 3:13

Nane Abraham Chiga –tsa Isaac, Jacobmbe Chiga– ingi coenzandeccumbe Chiga –tsayi tsu Tise Dutssi'ye Jesúsma ñoa'me'qque ti'tsse'tssia've tson. Tsa'ma que'i tsa Jesúsma indipa Pilatonga afe'fa. Pilato Jesúsma ccupaye in'jansi que'ija Jesúsma chi'gapa se'pi'fa.

Marcos 14:65

Tse'i majanjan Jesúsnga attupoeñe ashaen'fa. Tise tso'fema'qque piccopa tsse'tssepa qquen su'fa: —Injama'choi'ccu atesupa condaja majan tsu quema tssai. Toya'caen sundarondeccu'qque tisema tivei'ccu ma'ppi'fa.

Mateo 26:67

Qquen supa tise tsovejunga bo'chiccoen'fa. Tivei'ccu tisema tssai'fa. Cca'indeccuja tivei'ccu tise tsovejuma a'tutsse tssaipa

Mateo 16:21

Tsequi a'ta ashaemba Jesúsja tisema shondosundeccunga jai'ngae tsoña'chone conda. Tiseja Jerusaléni japa osha'chove tsu vanaña. Israe'su coenzandeccu, Chigama afa'su nasundeccu, Chiga manda'choma atesiansundeccu'qque tisema indipa fi'ttiye afe'faya. Fi'ttisi tsu papa tres a'tagae ccase qquendyaya.

Isaías 52:14

Nane tsain'bio a'i, tise camba'ju, tise ai'vo'qque ñoa'me dañongesi a'ia'caen attiambi attepa can'boen'faya. Tsa'ma tisema can'boenqquia'caen tsu

Tson'fa'cho 2:23

Chigaja tayoe pa'tssima atesupa ñotsse in'jan'ma Jesúsma que'inga moen cuintsu que'i ma'caen tsoñe in'jan'da tsa'caen tisema tson'faye. Tsa'caen moensi que'ija tisema fi'tti'fa. Nane indipa egandeqquianga afesi avuja'cconga otipa fi'tti'fa.

Juan 18:35

Pilatoja su: —¿Ñanda ti gi israe'su? Que israe'su aindeccu, israe'su Chigama afa'su nasundeccu'qque tsu quema ñanga afe'fa. ¿Jongoesian qui tso'an?

Juan 18:30

Tise'paja su'fa: —Egae tsincon'biecan'da quengaja i'fa'yambi gi.

Juan 18:22

Jesús tsa'caen susi Chiga etti'su sundaro tisei'ccu pporotsse ccutsu'su Jesús tsovejuma tssaipa qquen su: —¿Ya'caen ti qui afa Chigama afa'su na'suma?

Lucas 23:35

Aindeccuja can ccutsu'fa. Toya'caen nasundeccuja tisema afase'fa qquen supa: —Tiseja faesuma ccushaen. Cuintsu faesuma ccushaenqquia'caeñi tisuma'qque tsa'caen ccushaenjan. Tiseja ñoa'me Chiga in'jan'cho Cristota tsa'caen tsu canjaeña'cho.

Lucas 23:1

Tsomba tse'i poiyi'cco bo'fa'chondeccu fae'ngae jangipa Jesúsma anga'fa Na'su Pilatonga. Tseni napipa

Mateo 27:2

Fi'ttiye in'jamba candenai'ccu Jesúsma tandamba governaror Pilatonga anga'fa. Angapa Pilatonga afe'fa cuintsu fi'ttiye mandaye.

Juan 18:28

Tsonsi Caifás tsaone sombopa Jesúsma anga'fa governaror tsa'onga tayo a'taningae. Israendeccuja governaror tsa'onga ca'ni'fambi tisupa asettu'je'choma dañosa'ne. Tsa'caen daño'da Chiga panshaen'cho injienge'cho aña'choma añe osha'faya'bi.

Marcos 15:1

Tayo a'tasi toya sinte'yi Chigama afa'su nasundeccuja condasecco'fa coenzandeccui'ccu, Chiga manda'choma atesiansundeccui'ccu. Nane pa'cco nasundeccu bo'fa'choi'ccu condaseccopa in'jamba Jesúsma tandamba angapa governaror Pilatonga afe'fa.

Mateo 20:19

Fi'ttiye mandapa tsu israembindeqquianga ñama afe'faya. Tsendeccu ñama afasepa ma'ppi'faya. Ma'ppipa ñama avuja'cconga otipa fi'tti'faya. Papa tres a'tangae gi ccase qquendyaya.

Mateo 22:6

Cca'indeccuja na'sumbe semasundeccuma indipa egae tsomba fi'tti'fa.

Lucas 18:33

Ñama ma'ppipa avuja'cconga fi'tti'faya. Tsa'ma papa tres a'tangae gi ccase qquendyaya.

Juan 18:32

Tsa'caen tsu su'fa Jesús suqquia'caen tsoñe. Nane Jesúsja tayoe su tiseja avuja'cconga paya'cho.