Lucas 18:13 - Cofán: Chiga Tevaen'jen

¹³ Tsa'ma impuestoma isu'suja ccani catsembe'yi ccutsu. Tsa'caen ccutsupa puntssamba sefanima cambe'yi tivei'ccu tise utu'choma tssaipa su: “¡Chiga Quitsa, ña gi egae tsincon'su! Ñama mende'yeja.”

Lucas 18:13 Referans Kwoze

1 Timoteoga 1:15

Va condase'cho tsu ñoa'me su'cho. Ñotsse tsu in'jan'faya'cho: Jesucristoja sefaccone va andenga ji egae tsinconsundeccuma ccushaeñe. Nane ñajan cca'ima ti'tsse egae tsincon'su gi.

Lucas 23:48

Tsain'bio a'i avuja'cconga fi'tti'choma atteye bopa Jesús tayo pasi attepa tise'pa utu'choma tssai'fa ñombi'ye'choma canjaeñe. Tsa'caen ñombi'yepa tise'pa tsaoni jaja'fa.

Hebreo'su 8:12

Nane tise'pama mende'yepa gi tise'pa egae tsincon'choma agattoya'bi. Tise'pa shacama gi aqque'paya.

Tson'fa'cho 2:37

Qquen susi pañamba poiyi'cco pañasundeccu tisupa injama'choni asi'ttaemba ñombi'ye'fa. Ñombi'yepa Pedroma, faesu Jesúsne afasundeccuma'qque iñajampaña'fa: —Faengasundeccu, ¿ma'caen gi tson'faya?

Hebreo'su 4:16

Tsa'caen Jesús ingima mende'ye'ninda jinge dyombi'tsse Chigama iñajan'faye. Nane Chigaja ingima ñotsse tsoñe in'jamba tsu ingima mende'yeya. Tsa'cansi gi Tisema dyombi'tsse iñajan'faya'cho. Nane maqui ingi vana'jen'ninda tse'faei'ccuyi tsu Tiseja ingima ñotsse tsomba fuiteya.

Romanos 5:8

Tsa'ma Chigaja ingima ñotsse in'jamba qquen canjaen: Ingi toya egae tsinconsundeccusi tsu Jesucristoja ingine pa.

Lucas 5:8

Simón Pedroja avuma indi'choma attepa dyopa Jesúsnga tsutta'choi'ccu ccaru dyaipa su: —Na'su, ña'ñe joqquitssija. Ñanda gi egae tsincon'su.

Isaías 6:5

Attepa gi asi'ttaen: “¡Va'cha gi! ¡Paye tson'jen! Nane tisu tso'fei'ccu gi Na'su, Osha'choma Oshacho'cho Chigama atte. Ña injama'cho egasi ña aya'fa'qque ega. Toya'caen ña can'jen'tti'su aindeccu injama'cho egasi tise'pa aya'fa'qque ega'fa.”

Job 42:6

ña egae in'jan'choma catipa tisuma'qque chi'gapa cusepa ccuttopa'singa onjomba dyai ña ñombi'ye'choma canjaeñe.

2 Corinto'su 7:11

¡Que canjan! Que'ija Cristo in'janqquia'caen in'jamba ñombi'yepa qui ñoa'me pa'cco injama'choi'ccu osha'choma ñotssiave ñoñañe in'jan'fa. Iyicca'yepa qui egae tsincon'choma joqquitssiañe in'jan'fa. A'i tsa'caen egae tsinconsi qui ansangepa dyo'fa. Ñama atteye qui in'jan'fa. Tsa'caen in'jamba qui ña tevaenqquia'caen tsomba tsa egae tsincon'sumbe injama'choma somboen'fa. Nane osha'choma ñoñamba que'ija shaca mechoa qquen qui canjaen'fa.

Isaías 1:18

Na'suja qquen su: “Ji'faja. Jinge que'i egae tsincon'chone condasecco'faye. Que'i egae tsincon'cho cutsse amundeqquia'caen que'ima daño'ni'qque gi me'tsse chandisu'ccoa'caen tototssia've que'ima giyaeña. Nane sarupa cu'a da'choma giya'tsse oveja tose'caen tototssia've tsonqquia'caen gi que'ima'qque tsa'caen giyaeña.

Lucas 17:12

chipiri canqquenga ca'ni. Ca'ni ji'ni diez na congomba pajisundeccu tisema cachui'fa. Biane ccutsupa

Salmos 106:6

Ingi tayopi'su coenzandeqquia'caen gi egae tsincon'fa. In'jangae tsincomba gi egae tson'fa.

2 Samuel 12:13

Na'su tsa'caen su'choma pañamba Davidja Natánga su: —Na'su Chiganga gi egae tsincon. Natánjan Davidma su: —Na'su Chiga que egae tsincon'choma joqquitssiansi qui paya'bi.

Isaías 66:2

¡Nane ña gi osha'chove agattoen'su! Ña agattoensi tsu osha'choja jincho. Qquen gi ña, Na'suja su.”

Mateo 6:5

Que'i Chigama iñajañe in'jan'da ñotsse attiañe qquen afopoensundeqquia'caen iñajan'fajama. Tsendeccuja Chiga Aya'fama atesian'jen'ttinga ccutsupa Chigama iñajan'fa cuintsu poiyi'cco tise'pama atte'faye. A'i ja'je'cho tsaiquinga'qque ccutsupa Chigama iñajan'fa cuintsu tsangaé jasundeccu tisema atte'faye. Nane ñoa'me gi su tsa'caen a'i ñotsse afa'choveyi pañamba tsu Chiga ñotsse afa'choma paña'faya'bi.

Mateo 10:3

Felipe, Bartolomé, Tomás, Mateo (tsaja govierno impuestoma isu'su tsu), Santiago (tsa Alfeo dutssi'ye tsu), Tadeo,

Marcos 11:25

Chigama iñajan'jen'da tisu majain'ccu iyiccaye'je'choma in'jamba japa ñoquiaña'cho. Tsa'caen tsonsi tsu Chiga que'i Quitsa sefacconi canjen'su'qque que'i egae tsincon'choma joqquitssiamba ñoquiya.

Lucas 22:41

Tsomba tiseja ti'tsse joccani ja –biambi'ccoe– patuma ttovaqquia'can'ccoe. Japa ccaru dyaipa Chigama iñajamba

Éxodo 33:10

Aindeccuja maqui tsa'caen unjimba'cco ande dusesi atte'ta tisupa carpanga cani'jen'ttinga ccaru dyaipa Chigama iñajan'fa.