Lucas 17:3 - Cofán: Chiga Tevaen'jen

³ Tisuma ñotsse coira'faja tsa'caen tsonsa'ne. Que faenga'su quema egae tsincon'nijan tisema candusiaña'cho. Tsa'ma tsa a'i tise egae tsincon'choma chi'ga'nijan aqquepoeña'cho.

Lucas 17:3 Referans Kwoze

Levítico 19:17

“Que injama'choni tisu faenga'suma chi'gajama. “Tisupapora egae tsinconsi atte'ta tisema tansintsse condaja fuiteya'chove. Tsambi'ta que'qque qui tisia'caen shacapaya.

Mateo 18:21

Tsonsi Pedro japa Jesúsma iñajampaña: —Na'su, faenga'su Cristove in'jan'cho ñama panshaen egae tsincon'ninda ¿mañi se gi tise egae tsincon'chone ñoquiya? ¿Siete seta ti ñotssi naniña?

Santiago 5:19

Ña faenga'su Cristove in'jan'chondeccu, majan que'i'su ñotsse tansintsse cansembisi faesu tisema tansia'ninda

Éxodo 34:12

“Toya'caen tseni ca'nimba tsendeccui'ccu fae'ngae injancco'fajama, in'jamba'qque vacho'va'caen zuccosa'ne.

2 Juan 1:8

Injama'tse, sema'bama qqueñaqquia'caen que'i in'jan'choma qqueñasa'ne. Qqueñambi'ta qui pa'tssi Chiga afeya'choma nanitsse isu'faya.

Hebreo'su 12:15

Tisupapora ñotsse coiracco'faya'cho cuintsu poiyi'cco Chiga que'ima fuite'je'choma ñotsse atesu'faye. Toya'caen injama'tse injama'choi'ccu faesuma se'pipa fae'ngae in'jambipa iyiccosa'ne. Tsa'caen ashaen'da tsain'bitssia a'ima qui daño'faya.

Efeso'su 5:15

Tsa'cansi ñotsse in'jamba canse'faja. Injamambia'caen canse'fajama. Tsa'ma injama'pa'caen canse'faja.

Lucas 21:34

Majan a'ija ñoquimbipa injanga canse'fa. Majan a'ija ccusi'fa. Majan a'ija tise'pa an'bian'choma panshaen in'jan'fa. Tsa'ma injama'tse. Tsa'caen ñoquimbi'fajama. Ña su'choma'qque aqque'pa'fajama pan ña jisi atte jangipa dyosa'ne.