25 Tsa'ma o'tieta gi ñoa'me vanaña'cho. O'tie tsu poiyi'cco vani'su aindeccuja ñama chi'ga'faya.
Tsequi a'ta ashaemba Jesúsja tisema shondosundeccunga jai'ngae tsoña'chone conda. Tiseja Jerusaléni japa osha'chove tsu vanaña. Israe'su coenzandeccu, Chigama afa'su nasundeccu, Chiga manda'choma atesiansundeccu'qque tisema indipa fi'ttiye afe'faya. Fi'ttisi tsu papa tres a'tagae ccase qquendyaya.
Qquen tsu su: —Sefaccone Ji'cho A'i gi osha'choi'ccu vanaña. Ingi ande'su coenzandeccu, Chigama afa'su nasundeccu, Chiga Aya'fama atesiansundeccu'qque ñama chi'ga'faya. Ñama fi'ttisi papa gi tres a'tangae ccase qquendyaya.
Tsomba Jesúsja atesiañe ashaemba su: —Sefaccone Ji'cho A'i gi me'detsse vanaña. Nane coenzandeccu, Chigama afa'su nasundeccu, Chiga manda'choma atesiansundeccu'qque ñama chi'gapa fi'tti'faya. Tsa'ma ñama fi'tti'fa'ni'qque tres a'tangae gi ccase qquendyaya.
Nane a'ive dapa jisi tisupanaccuja tisema chi'ga'fa.
Ñama ma'ppipa avuja'cconga fi'tti'faya. Tsa'ma papa tres a'tangae gi ccase qquendyaya.
Can'fambi ti qui Chiga Tevaen'jen qquen su'choma: Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da.
Qquen susi Jesús tise'pama su: —¿Can'fambi ti qui Chiga Tevaen'jen tsane qquen su'choma? Qquen tsu su: Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da. Tsa'caen tsu Na'suja tson. Ingija attepa can'boemba “Ñotssi tsu” qquen asi'ttaen'fa.
Nane a'ija tisema chi'gapa cati'fa. Ñombi'ye'su a'i tsu. Nane vanañe atesu'cho tsu. A'tuqquia'caen gi tisema panshan'fa. Barembi tsu qquen in'jamba gi tisema chi'ga'fa.
Tsa'caen tsu in'jan'fambi tayopi'su Chiga Aya'fa afa'su Isaías jai'ngae tsoña'chone tevaenqquia'caen tsoñe. Nane Isaíasja qquen tevaen: Na'su, ¿majan tsu ingi condase'chove in'jan? Nane Na'su Tise osha'choma canjae'ni'qque toya paña'fambi.
Toya'caen tsu su: —Tayo tsu tevaen: Ccushaen'su Cristoja vanamba papa tres a'tangae ccase qquendyaya'cho.
Tsomba Jesúsja tisema doce shondosundeccuma ttu'sepa su: —Paña'faja. Ingija Jerusaléni jayi'fa. Chiga Aya'fama afasundeccuja Sefaccone Ji'cho A'i vanaña'chone tayopi conda'fa. Ja'ño ingi Jerusaléni jasi tsu pa'cco tsa vanaña'chone su'choja ñanga napiya.
Qquen tsu su: —Que can'faja. Jerusaléni gi jayi'fa. Tseni japa gi Sefaccone Ji'cho A'i indiyepa afeyeya Chigama afa'su nasundeccunga, Chiga manda'choma atesiansundeccunga. Tsendeccu tsu ñama fi'tti'faye mandapa israembindeqquianga ñama afe'faya.
Tsa'ma Na'su Chigaja Samuel iñajan'choma pañamba su: “Ma'caen tise'pa in'jan'ninda tsa'caen tsonjan. Nane quema chi'gambipa ñoa'me ñama tsu chi'ga'fa. In'jan'fambi tsu ña tise'pama manda'jeye.