Lucas 1:79 - Cofán: Chiga Tevaen'jen

⁷⁹ Tsa'caen tsu paya'chondeccunga attiaña cuintsu tise'pa sinttia'ni can'jen'choma catipa a'tatssianga ji'faye. Inginga'qque attiaña cuintsu ingi'qque Tise've in'jamba cansepa dyombi'tsse opatsse canse'faye.” Tsa'caen tsu Zacaríasja Chigama ñotsse afa.

Lucas 1:79 Referans Kwoze

Isaías 9:2

Nane tseni'su aindeccuja sinttia'ni can'jenqquia'caen Chigane atesu'fambi. Atesumbi'choa tsu a'tatssia'ma attepa in'jan'fa. Injanga can'jemba paye ronda'je'fa. Tsa'ma a'tatssia tise'panga attiansi attepa in'jan'fa.

Mateo 4:16

Nane tseni'su aindeccuja sinttia'ni can'jenqquia'caen Chigane atesu'fambi. Atesumbi'choa tsu a'tatssia'ma attepa in'jan'fa. Injanga can'jemba paye ronda'je'fa'a. Tsa'ma a'tatssia tise'panga attiansi attepa in'jan'fa.

Tson'fa'cho 26:18

Nane tise'panga gi quema moeña cuintsu tise'pa tso'fe fettayeqquia'caen sinttia'ye piyicamba a'tatssianga jaqquia'caen tise'pa injama'choma ñoña'faye. Tsa'caen ñoñamba cocoya na'su Satana in'jaen'choma catipa tsu Chiga Quitsave in'jamba paña'faya. Toya'caen ñame tsa'caen in'jan'fasi gi tise'pa egae tsincon'choma joqquitssiamba poiyi'cco Chiga in'jan'chondeccui'ccu fae'ngae ca'niaña.”

Efeso'su 5:8

Que'ija tayoe sinttiani can'jenqquia'caen Na'suma atesumbipa egae canse'fa. Tsa'ma ja'ño Na'su Jesúsve in'jamba qui a'tatssiani can'jenqquia'caen Na'suma atesu'fa. Tsa'caen atesu'ta a'tatssiani can'jenqquia'caen ñotsse canse'faja.

Isaías 42:7

In'jan gi cuintsu queja binindeccuma attiamba indiyendeccuma'qque ccushaeñe. Nane indiyepa sinttia'ni can'jendeccuma qui in'jaemba ccushaeña.

Juan 12:46

Ñajan ji va ande'su aindeccuma chanjien'suve cuintsu majan ñame in'jan'da sinttia'ni can'jembe'yi canse'faye.

Juan 8:12

Ccase afapa Jesús aindeccunga su: —Ña gi va ande'su aindeccuma chanjien'su. Majan ñai'ccu fae'ngae jacan'da sinttia'ye jacambe'yi a'tatssia'ye tsu jacan. Ña tisema chanjiensi tsu ñoa'metsse canse.

Juan 9:5

Toya va andeni can'jen'da gi va andesundeccuma chanjien'su.

Juan 1:9

Ñoa'me chanjien'su tsu va andeni jiña poi a'i injama'choma attiañe.

Salmos 23:4

Mapán sinjunccuni andepa sinttianga japa paye tson'jen qquen in'jan'ni'qque qui, que Na'su, ñai'ccu can'jensi jongoesunga egave dambi. Nane que accuicco'cho, que an'ccoi'ccu qui ovejama fuiteqquia'caen ñama fuite'je.

Lucas 2:32

Nane tiseja israembindeqquianga attiansi tsendeccu'qque queve in'jan'faya. Tise'qque israendeccu'susi israendeccuja ti'tsse'tssia've dapa avujatssi'faya.

Romanos 3:17

Atesu'fambi ma'caen opatsse canseya'chove.

Isaías 59:8

Nane opatsse canseya'chove atesu'fambi qui. Ni tansintsse tsoñe qui osha'fambi. Que'i ja'je'cho tsaiquija itoyetssi tsu. Nane majan tsa'caen jacan'da tsu opatsse canse'faya'bi.

Proverbios 3:17

Tisema omboencanqquia'caen avujatsse can'jemba tise tsaiquinga ja'ta opatsse canseya'cho.

Tson'fa'cho 10:36

Chiga Quitsa tsu israendeccunga conda va ñotsse condase'choma ma'caen Jesucristoja a'i injama'choma ñoquian'suve. Tsa Jesúsyi tsu poiyi'ccombe na'su.