Lucas 1:25 - Cofán: Chiga Tevaen'jen

²⁵ “Ñajan du'shu mechopa ansangé can'jen. Tsa'ma Na'su Chiga ñama in'jamba ñama ñotsse tson cuintsu cca'i ñama afambe can'faye.”

Lucas 1:25 Referans Kwoze

Hebreo'su 11:11

Abraham pushe Sara'qque dusungambipa ñoa'me coenza ccashe. Tsa'ma Chiga “Du'shuma qui isuya” qquen Saranga susi Saraja Chigave in'jan cuintsu tsa'caen tsoñe. Nane Chigave in'jamba ccase dusunga'e daqquia'caen dapa du'shuve isu.

Lucas 1:13

Tsa'ma Chigama sefacconi'su shondo'suja tisema su: —Dyojama Zacarías. Tayo tsu Chiga Quitsaja que iñajan'choma paña. Que pushe Elisabetja tsandie du'shuve tsu isuya. Tisema qui inisian'faya Juanme.

1 Samuel 1:6

Tsa'cansi Peninajan Anama iyicca'yepa tisema noñangiamba fe'ña. Nane ansangiañe tsu in'jan Na'su Chiga tise du'shuve isuye anttembisi.

Génesis 25:21

Rebeca du'shuma isuye oshambisi Isaacja Na'su Chigama iñajan tise pushene. Iñajan'choma Chigaja pañasi Rebecaja surie da.

Lucas 1:24

Omboe tise pushe Elisabet surie dapa cinco ccovuve tsaoni can'jen. Can'jemba qquen in'jan: