Levítico 6:7 - Cofán: Chiga Tevaen'jen

⁷ Tsa'caen tsonsi tsu Chigama afa'su Na'su Chigama iñajaña tsa a'i ma'caen egae tsincomba shacaen'choma cuintsu ccuchaye. Afe'choma afepa iñajansi tsu Chigaja tsa a'i egae tsincon'choma aqque'paya.”

Levítico 6:7 Referans Kwoze

1 Juan 1:9

Tsa'ma ingi egae tsincon'choma chi'gapa Chiganga condase'ninda Tiseja ño'amba ingima in'jamba pañamba tsu ingi egae tsincon'choma aqquepoeña. Nane osha'cho egae jincho'choma tsu ccuchaya.

1 Juan 1:7

Tsa'ma Chiga'caen a'tatssiani can'jen'da gi tisupapora fae'ngae jinchopa ñotsse canse'faya. Toya'caen Jesús anjampa tsu ingima ccucha'je osha'cho egae tsincon'cho'ye.

Mateo 12:31

Tsa'cansi gi que'ima su: Osha'cho egae tsincon'cho, osha'cho Chiganga afase'cho'qque a'i'ye joqquitssiqque'su tsu. Tsa'ma majan Chiga Qquendya'pama afase'ninda ñoa'me tsu tise egae tsincon'choja joqquitssi'masia.

Isaías 1:18

Na'suja qquen su: “Ji'faja. Jinge que'i egae tsincon'chone condasecco'faye. Que'i egae tsincon'cho cutsse amundeqquia'caen que'ima daño'ni'qque gi me'tsse chandisu'ccoa'caen tototssia've que'ima giyaeña. Nane sarupa cu'a da'choma giya'tsse oveja tose'caen tototssia've tsonqquia'caen gi que'ima'qque tsa'caen giyaeña.

Éxodo 34:7

Nane mil omba'su dutssiyendeccunga gi antte'beyi tsangae ñotsse in'jamba tise'pa egae tsincon'choma joqquitssiamba shacama'qque ccuchaya. Tsa'ma ñama chi'gapa egae tsincon'sumbe injama'choma somboemba tise dushundeccumbe, tsambe du'shumbe dushundeccumbe toya'caen tsambe dushundeccumbe injama'choma gi somboeña.