Levítico 26:4 - Cofán: Chiga Tevaen'jen

⁴ gi unjin tuite unjima moeña cuintsu que'i ande'su jon'cho ñotsse sho'yosi que'i jombachoccu'su quini'cco'qque ñotsse nañe.

Levítico 26:4 Referans Kwoze

Job 5:10

Tiseja unjima andenga tuiñamba poi nasipama tssipoemba cu'choen.

Tson'fa'cho 14:17

Tsa'ma anttembe'yi tsu Chigaja osha'cho ñotssiama tson'jen Tise can'jen'choma a'inga canjaeñe. Nane sefaccone tsu unjima tuiña cuintsu osha'cho teta'cho tise'pa naite nañe. Tsa'caen tsu Chigaja que'i anqque'suma que'inga afesi qui amba tteppupa avujatsse canse'fa.

Mateo 5:45

Tsa'caen tsomba qui ñoa'me Chigama na'sian'cho dushundeccuve da'faya. Nane Chigaja se'pimbe'yi tsu coejechigama manda cuintsu egandeqquianga ño'andeccunga'qque chanjuñe. Unjima'qque se'pimbe'yi tsu manda ño'a tsonsundeccumbe nasipanga tuiye. Egae tsinconsundeccumbe nasipanga'qque tuiye tsu manda.

Canjaen'cho 11:6

Tsendeccuja Chiga sefaccoma piccoye osha'fa cuintsu tise'pa Chiga Aya'fama afaite unjin tuimbe'yi cañe. Toya'caen tsu osha'fa pa'cco tsa'ccu sombo'je'ttima anjampaveyi tsoñe. Maqui in'jan'da tsu poi andenga osha'cho paqque'suma moeñe osha'fa.

Santiago 5:7

Faenga'su Cristove in'jan'chondeccu, tsa'cansi que'i'qque anttembeyi opatsse canse'faja Na'su Jesucristo jiya'ngae. Nane majan nasipave sema'da tsu unjiñe opatsse ro'ndá can'jen'faya'cho. Sho'yaeñe unjimba tse'ttieta cu'choeñe unjimba cu'choensi namajan taiya'cho.

1 Reyes 17:1

Tsonsi Chiga aya'fama afa'su Elías tsa Galaad ande'su Tispe canqque'su a'i, jipa Acabma su: “Na'su Chiga Quitsa, tsa Israel Chiga, mandasi pañamba gi quenga ñoa'me su: Ja'ño va canqque'fani unjinjan tuiya'bi ni surunoñi'qque andema tssipoeña'bi ña pasaya'chove suya'ngae.”