Levítico 16:23 - Cofán: Chiga Tevaen'jen

²³ “Tse'i tsu Aarónjan Chigai'ccu cachuicco'je'tti'su carpanga ccase ca'nimba pa'cco tise Chigai'ccu cachuicco'je'tti'su cuartoni ca'ni'cho lino sarupa ondiccu'jema oshichhapa tse'ttinga ccuiñaña'cho.

Levítico 16:23 Referans Kwoze

Romanos 8:3

Nane ingi ai'vo in'jan'cho ñotssia manda'cho in'jaen'choma patsusi Chiga manda'choja ingima ccushaeñe oshambi. Oshambisi Chigaja ingima ccushaen. Nane Chigaja Tise Dutssi'yema moen cuintsu ingia'caen egae tsinconqque'su ai'vove dapa papa egae tsincon'choma patsuye. Jesúsja tsa'caen tise ai'voi'ccu egae tsincon'choma patsu

Levítico 16:4

Ca'niñe tson'jen'da tsu lino sarupama ondiccupa tsambe ombanga Chiganga catse'je'cho lino ondiccu'jema ondiccupa lino utuqui'fai'ccu utuquiya'cho. Toya'caen rande lino goroma ontsiaña'cho. O'tie tisu ai'voma tsa'ccui'ccu onjomba tsu tsa'caen Chiganga catse'je'cho sarupama ondiccuya'cho.

Hebreo'su 9:28

Tsa'caeñi tsu Cristo'qque fae seyi papa tsain'bitssia a'i egae tsincon'cho shacama afepoemba ccucha. Tsa'caen tsomba tsu jai'ngae ccase vani jiya. Ccase egae tsincon'choma joqquitssiañe jiya'bi. Tsa'ma poiyi'cco majan tise've in'jan'chondeccuma ccushaeñe tsu jiya. Tsendeccuja avujatsse tise've ronda'je'fa.

Levítico 16:22

Chivoja tsa'caen a'i menia japa qquepa pa'cco israendeccu egae tsincon'choma'qque angapa qqueñaña.