Levítico 16:22 - Cofán: Chiga Tevaen'jen

²² Chivoja tsa'caen a'i menia japa qquepa pa'cco israendeccu egae tsincon'choma'qque angapa qqueñaña.

Levítico 16:22 Referans Kwoze

1 Pedro 2:24

Jesucristoyi tsu tise ai'vonga ingi egae jincho'choma isupa anga avuja'cconga. Tsa'cansi gi egae tsincon'cho'ye tayo papa ñotsse canse'fa. Tiseja iñacca que'ima ccushaeñe.

Hebreo'su 9:28

Tsa'caeñi tsu Cristo'qque fae seyi papa tsain'bitssia a'i egae tsincon'cho shacama afepoemba ccucha. Tsa'caen tsomba tsu jai'ngae ccase vani jiya. Ccase egae tsincon'choma joqquitssiañe jiya'bi. Tsa'ma poiyi'cco majan tise've in'jan'chondeccuma ccushaeñe tsu jiya. Tsendeccuja avujatsse tise've ronda'je'fa.

Juan 1:29

Ccaqui a'ta Jesús Juanga catsesi Juanjan attepa inginga su: —Que canjan: Tsa a'ija Chiganga afe'cho oveja tsu. Poiyi'cco a'i egae jincho'choma joqquitssian'su tsu.

Galacia'su 3:13

Majañi'qque naniñe oshaya'bipa poiyi'cco tsu Chigane shacapapa catiye'faya'cho. Tsa'ma Cristoja tsa shacama tisunga isu, Chiga Tevaen'jen suqquia'caen, “Quini'cconga dusiamba fi'tti'cho a'ita tsu catiya'cho.”

Salmos 103:12

Tayo tsu ingi egae tsincon'choma joqquitssian. Nane chiga sombo'je'cho chiga amppi'je'cho'ye biani jinqquia'caen ingi egae tsincon'choma biani joqquitssian.

Salmos 103:10

Ingi egae tsincon'cho shaca injan'tssi'ma'qque toya tiseja ingi shacama iñajambi.

Levítico 16:21

Isi tsu tise tivema tsa chivo tsovenga pporaemba osha'cho israendeccu Chigama pañambipa iyicca'yepa egae tsincon'chone chivo ombanga condaya'cho. Tsa'caen chivo tsove ombanga condapa tsu antte cuintsu israendeccu egae tsincon'cho chivonga iseqquia'caen iseye. Israendeccu egae tsincon'cho tsa'caen isesi tsu fae a'i tsa chivoma a'i menia angapa fetta mañaña'cho.

Levítico 16:23

“Tse'i tsu Aarónjan Chigai'ccu cachuicco'je'tti'su carpanga ccase ca'nimba pa'cco tise Chigai'ccu cachuicco'je'tti'su cuartoni ca'ni'cho lino sarupa ondiccu'jema oshichhapa tse'ttinga ccuiñaña'cho.

Levítico 14:7

Omboe tsu na congomba pajipa ccusha'choma siete se tsa anjampai'ccu bitssaeña'cho. Tsa'caen bitssaemba, ‘Tayo qui giya'tsse ccusha’ qquen supa tsu cansian chhiririama fetta mañaña'cho.