Levítico 16:17 - Cofán: Chiga Tevaen'jen

¹⁷ “Aarón toya Chigai'ccu cachuicco'je'tti'su cuartoni egae tsincon'chone pasaeñe afaye can'jen'ninda tsu tise somboya'ngae majañi'qque Chigai'ccu cachuicco'je'tti'su carpani can'jen'masia. Nane Aarón tsa'caen afasi Chigaja tise egae tsincon'cho, tise antiandeccu, toya'caen poi israendeccu egae tsincon'choma'qque pasaensi

Levítico 16:17 Referans Kwoze

Lucas 1:10

Zacarías ca'nimba ñome'bama oque oraen'jen'ni poiyi'cco a'i tsotefanga ccutsupa Chigama iñajan'jen'fa.

Isaías 53:6

Poiyi'cco gi oveja'caen injanga ccani jacamba qque'fa. Ingi in'janqquia'caen gi injanga canse'fa. Tsa'ma Na'suja pa'cco ingi egae tsincon'cho shacama tisenga antte.

Éxodo 34:3

Majañi'qque que'i'ccu ansunde'masia tsu. Ni majañi'qque pa'cco ccotta'ccoma can'ma'sia tsu. Ni oveja, vaura'qque tsa ccotta'cco pporotsse shoshovima an'jen'masia tsu.

1 Pedro 3:18

Jesucristoyi tsu ingi egae jincho'chone vanamba pa. Fae seyi tsu pa poiyi'cco a'ine. Tiseja ño'amba ingi ño'ambindeqquiane pa ingima Chiganga catsiañe. Nane tise ai'vo pa'ni'qque tise qquendya'paja toya canse.

1 Pedro 2:24

Jesucristoyi tsu tise ai'vonga ingi egae jincho'choma isupa anga avuja'cconga. Tsa'cansi gi egae tsincon'cho'ye tayo papa ñotsse canse'fa. Tiseja iñacca que'ima ccushaeñe.

Hebreo'su 9:7

Tsa'ma enttinge'su Chigai'ccu cachuicco'je'cho cuartongaja Chigama afa'su na'suyi tsu fae canqque'fanga fae seyi ca'niñe osha. Toya'caen tsa'caen ca'ni'da tsu anjampa tssan'choma angaya'cho. Nane tsai'ccu tsu tisu egae tsincon'chone Chigama iñajamba omboe aindeccune'qque Chigama iñajan cuintsu Chiga tise'pa egae tsincon'choma'qque joqquitssiañe.

Hebreo'su 1:3

Dutssi'yeja tsa'caen an'biamba tise joccapitssia aya'fai'ccu tsu osha'choma tansintsse manda'je. Chigaja a'tatssipa joccapitssiasi tise'qque tsa'caen joccapitssia tsu. Ma'caen Chiga jincho'nijan tise'qque tsa'caeñi tsu jincho. A'i egae tsincon'chone ccushaeña'choma nanimba tsu tiseja Chiga sefacconi ansundepa Chiga tansinfanga dyaipa Chigai'ccu manda'je.

1 Timoteoga 2:5

Fae Chigayi tsu jin. Fae ñoquian'su'qque tsu jin aindeccuma ccushaemba Chigama ñoquiañe. Tsaja a'i, Jesucristo tsu.

Tson'fa'cho 4:12

Majan faesu ccushaen'suve me'i'on tsu. Ni Chiga Quitsa'qque faesu ccushaen'suve condambi va ande'su aindeccunga majan ingima ccushaeñe oshaya'chove.

Levítico 16:16

Tsa'caen tsu Chigai'ccu cachuicco'je'tti'su cuartoma giyaeña'cho israendeccu Chigama pañambipa iyicca'yepa injanga egae tsincon'chone. Toya'caen tsu Chigai'ccu cachuicco'je'tti'su carpama'qque tsa'caeñi giyaeña'cho. Nane tsa carpaja israendeccu can'jen'cho, toya'caen tise'pa egae tsincon'cho, enttingeni tsu ccutsu.

Levítico 16:18

sombopa tsu Na'su Chigama iñajan'jen'cho oque oraen'jen'choma'qque giyaeña'cho. Nane majan vaura quitsaye anjampa, chivo anjampama'qque isupa tsai'ccu oque'je'cho'su cuatro ontsian'ccoma onjoeña'cho.