Levítico 11:2 - Cofán: Chiga Tevaen'jen

² “Israendeccunga conda'faja poi va ande'su aña'cho'su tsu jo'su va'suyi ñoa'me anqque'su:

Levítico 11:2 Referans Kwoze

Hebreo'su 9:10

Nane osha'choma fi'ttipa afe'choja aqquia a'i asettupa tson'cho tsu. Anqque'sune, cui'qque'sune, onjoña'chone'qque tsu asettuye manda. Tsa'ma Cristo jiya'ngaeyi tsu tsa'caen tsincon'fa ñotsse canseye qquen in'jamba.

Mateo 15:11

Me'i tsu a'i aña'choma ansi injama'choma dañoñe. Tsa'ma egae in'jamba afasi egae afa'je'cho tsu tise injama'choma dañoña.

Hebreo'su 13:9

Tsa'cansi ccaningae atesian'jen'choma paña'da tsama in'jan'fajama. Majan atesiansundeccuja aña'choma añe se'pi'fa tsa'caen tsomba injama'choma quiñaeñe qquen supa. Nane tsendeccu tsa'caen se'pipa canse'fasi tise'pa injama'choja toeninga ega tsu. Ñoa'me Chiga ingima in'jamba afe'cho tsu ingi injama'choma quiñaenqque'su.

Daniel 1:8

Tsa'ma Danielja israe'supa na'su anqque'suma amba vinoma'qque cu'ipa tisu in'jan'choma dañosa'ne chi'ga. Tsa'caen in'jamba na'su tsa'oma coira'suma iñajan cuintsu tsesu aña'choma tise'panga afeye mandambe cañe.

Levítico 11:4

“Tsa'ma va faesu aña'cho tsu an'masia: nane majanda tise anqque'suma dos se tse'tsepa an'jen'ma tise'pa tsu'tte tsu ccaninga'o. Faesuta tise tsu'tte dos tsu'tte tsimian'ccove an'bian'ma tise anqque'suma aqquia fae seyi amba cunde'je. “Nane cameyoja an'masia tsu. Tise anqque'suma dos se tse'tsepa an'jen'ma tsu'tte tsu ccaninga'o.

Levítico 11:1

Na'su Chigaja Moisés toya'caen Aarónma ttu'sepa qquen su:

Levítico 11:3

majan shoshovima amba dos se tse'tsepa an'jen'cho toya'caen tise tsu'tte'qque dos tsu'tte tsimian'ccove an'bian'cho.