Jueces 16:31 - Cofán: Chiga Tevaen'jen

³¹ Pañamba tise quinshingendeccu, poiyi'cco tise yayambe antiandeccu'qque ande'fa tise ai'voma isupa angaye. Angapa tisema a'tu'fa tise yaya Manoa atu'ttinga tsa Zora Estaol canqque enttingenga. Nane veinte canqque'fave tsu Sansónjan israendeccuma manda'je.

Jueces 16:31 Referans Kwoze

Jueces 15:20

Sansónjan veinte canqque'fave israendeccuma angacan filisteondeccu manda qquen tson'jeinte.

Jueces 13:25

Toya Sansón Dan aindeccu can'jeni can'jen'ni tsu Chiga Qquendya'pa tisema in'jaeñe ashaen. Tise'pa can'jen'tti tsu Zora toya'caen Estaol canqque enttingeni.

Jueces 13:2

Zora canqqueni tsu israe'su Dan aindeccu'su tsandieja can'jen. Tise iniseja Manoa. Manoa pusheja dusumbipa du'shu me'cho canse.

Jueces 16:30

Pporaemba Sansónjan qquen quian'me su: “¡Filisteondeccu'qque ñai'ccu fae'ngae pa'faja!” Tsa'caen supa pa'cco tisu tsain'fai'ccu dyaiña'choma ccofetta. Ccofettasi pa'cco Dagón etti osuisi filisteo'su nasundeccu, poiyi'cco tse'ttini can'jensundeccu'qque otssiye'fa. Tsa'caen tsu Sansónjan tise cansuite fitti'tti'choma pan'shantssi a'ive tisui'ccu fae'ngae fi'tti.