Jueces 15:18 - Cofán: Chiga Tevaen'jen

¹⁸ Tsomba tsa'caen fitti'tti nanimba ñoa'me tsaqquie'supa Na'su Chigama quian'me afapa qquen su: “¿Ma'caen qui tayo ña patsuya'chove tsomba ja'ñojan antte ña tsaqquie'supa va Chigave in'jambindeqquianga payeta?”

Jueces 15:18 Referans Kwoze

Hebreo'su 11:32

¿Ja'ñonda ti qui in'jan'fa? Nane a'ta tsu shaca pa'tssima condaye ma'caen a'i Chigave in'jamba tson'fa'choma. Nane tayopi'su a'i, Gedeón, Barac, Sansón, Jefté, David, Samuel, poiyi'cco Chiga Aya'fama afasundeccu'qque Chigave in'jamba ñotsse tson'fa.

Juan 19:28

Tsa'caen supa Jesúsja osha'choma tayo nani qquen atesuchopa qquen su, Chiga tevaen'jen suqquia'caen tsoñe: —Tsaqquie'su gi.

1 Samuel 17:36

Tsa'caen gi ña quema shondo'suja ttesi toya'caen oncomarima'qque fi'tti'je. Nane tsa'caen gi tsoña va Chigave in'jambi'choa filisteoma, tise joccapitssia qquen in'jamba Tsangae Canse'su Chigambe sundarondeccuma afase'chone.

1 Samuel 17:26

Tsonsi Davidja tisei'ccu pporotsse ccutsundeccuma iñajampaña: —¿Jongoesuma tsu afe'faya majan va filisteoma fi'ttipa israendeccu shacama ccucha'nija? ¿Majan gi qquen tsu in'jan va Chigave in'jambi'choaja? Nane tiseja joccapitssia qquen in'jamba tsu Tsangae Canse'su Chigambe sundarondeccuma afase.

Jueces 16:28

Tsa'caen bo'fasi Sansónjan Na'su Chigama iñajamba su: “Ti'tsse Joccapitssia Na'su ñama injan'jemba ja'ño fae seyi'qque ccase in'jaenjan ña va filisteondeccuma ccane'qque dañoñe ña dos tso'fema daño'fa'chone.”

Génesis 32:31

Chiga sombo ji'ni Jacobja Penuelma panshamba tise tsimbochoccu iñesi ccaré jaye.

Génesis 20:11

Tsonsi Abrahamjan su: —Ñajan ‘Vani'su a'i Chigave in'jambipa ñama fi'ttipa ña pushema itsa'faya’ qquen in'jamba gi tsa'caen tson.

Jueces 15:17

Tsa'caen afa nanimba boro cataicco'su tsu'ttama ttova cati. Tsa ccotta'ccoma ja'ño a'ta pan tsu Ramat-lehi qquen inisiancho'fa, ccotai'cco'su tsu'tta ccotta'cco qquen suye.

Jueces 14:3

Pañamba tise yaya tise mama'qque su'fa: —¿Que antiandeccu'suta ti ñotssia pushesuta jimbi? ¿Israendeccu'su ñotssia pushesuta ti jimbi? ¿Jongoesie qui Chigave in'jambi'choa filisteondeccu'su pushesuma pusheye in'jan? Tsa'ma Sansónjan tise yayama su: —Tsa pushesu tsu ñoa'me ña in'jan'cho. Tisema gi tisu pusheve in'jan.