Jueces 14:18 - Cofán: Chiga Tevaen'jen

¹⁸ Pañamba tsa septimo a'ta toya chiga amppimbi'te tsa canqque'su tsandiendeccuja Sansóni jipa su'fa: “Metssi tsu cuñajun'choma ti'tsse ansintssia've. Metssi tsu ttesima ti'tsse quin'anme.” Pañamba Sansónjan su: —Ña vaura pushei'ccu andema dyan'dyambiecan'da toya qui ña in'jamba su'choma atesu'fambiye'can.

Jueces 14:18 Referans Kwoze

Jueces 14:17

Tsa'ma panshaen iñajampañamba septimo a'tangae i'nasi Sansónjan quimbipa tisenga conda. Nane septimo a'ta tsa fiesta pasaya'cho a'ta tsu tisenga conda. Condasi pañamba tse'faei'ccuyi tise pusheja aindeccunga japa tise tsa'ndu su'cho in'jan'choma conda.

Jueces 14:19

Tsonsi Na'su Chiga Qquendya'pa tisema in'jaensi Sansónjan Ascalón canqqueni japa treinta a'ive tsa canqque'su tsandiendeccuma fitti'tti. Fitti'ttipa tsendeccumbe ondiccu'jema oshichhaemba ipa afe tise in'jamba su'choma condasundeccunga. Tsa'caen tsomba ñoa'me iyicca'yepa somboin ja tise yaya tsaoni.