Jueces 13:5 - Cofán: Chiga Tevaen'jen

⁵ Tsandie du'shuve qui isuya. Tiseja tisu tosema chattu'jeya'bi tsu. Nane tsa du'shuja toya isuyembiteyi Chiga ñotsse injan'chopa tsu nazareo a'iya. Tisei'ccu tsu Na'su Chigaja ashaeña israendeccuma filisteondeccu'ye ccushaeñe.”

Jueces 13:5 Referans Kwoze

1 Samuel 1:11

Iñajamba Na'sunga ñoa'me su'chove qquen afa: “Na'su Chiga, que qui Osha'choma Oshacho. Ña quema shondo'suma injan'jemba ñoa'me mende'yepa tsandie du'shuve ñanga afe'ninda gi tsamajan toequi quenga ccase afeya. Afesi tsu quema shondo'suve dapa canseya. Toya'caen tise tosema cha'ttumbe'yi tsu canseya'cho tiseja quembe qquen canjaeñe.”

Lucas 1:15

Nane Tiseja Na'su Chiga joccapitssia a'iya tsu. Osha'cho ccusianqque'suma tiseja cu'iya'bi. Tsa'ma toya isumbi'te tsu Chiga Qquendya'pa tisenga ca'nimba in'jaeña.

Jueces 16:17

Tsa'caen quimbipa pa'ccoma a'tatsse tisenga conda: —Minguite'qque gi ña tosema cha'ttupa cansembi. Nane toya ñama isu'fambi'te gi Chigambe nazareo a'ive dapa tosema chattumbe'yi coemba canse. Ña tosema cha'ttuni'da gi tsainfambie dapa faesu a'ia'caen injanga quin'gopa canseya.