Juan 9:35 - Cofán: Chiga Tevaen'jen

³⁵ Bini ccusha'choma tteya moen'fa'chove atesupa Jesúsja tisema cachuipa su: —¿In'jan ti qui queja Sefaccone Ji'cho A'ive?

Juan 9:35 Referans Kwoze

Juan 20:31

Tsa'ma tayo tevaen'choma gi tevaen cuintsu que'i pañamba in'jan'faye Jesúsja Cristo tsu, Chiga Dutssi'ye. Que'i tsa'caen tise've in'jan'da qui tise a'ive dapa tsangae canse'faya.

1 Juan 5:13

Que'i Chiga Dutssi'yeve in'jan'fasi gi que'inga qquen tevaen que'i tisupa Cristoi'ccu tsangae canse'fa'choma atesu'faye.

Juan 10:36

qquen su'ninda ¿ma'caen qui que'ija ñama afase'fa? Nane Chiga Quitsa tsu ñama in'jamba ttu'sepa va andenga moen. Tsa'cansi ña gi Chiga Dutssi'ye qquen susi'ta ¿ma'caen qui que'ija ña Chigane egae afa'je qquenjan su'fa?

1 Juan 5:20

Toya'caen gi atesu'fa Chiga Dutssi'ye tayo ji'choma. Tsa tsu ingima in'jaen ñoa'me Chigama atesuye. Ingija fae'ngae jincho'fa ñoa'me Chigai'ccu. Toya'caen gi fae'ngae jincho'fa Tise Dutssi'ye Jesuscristoi'ccu. Tsaja ñoa'me Chigayi. Tsai'ccu fae'ngae jincho'ta tsangae canseya'cho tsu.

1 Juan 5:10

Nane majan Chiga Dutssi'yeve in'jan'chota tisu injama'choyi tsu Chiga su'choma atesucho. Tsa'ma majan Chigave in'jambi'choa'ta tsu “Chigaja afopa'cho” qquen in'jaña. Tsaja pañañe in'jambi Chiga Quitsa Tise Dutssi'yene tansintsse condase'choma.

1 Juan 5:5

Majan “Jesucristoja Chiga Dutssi'ye” qquen in'jan'cho, tsayi tsu va ande'su a'i in'jan'choma patsu'su.

1 Juan 4:15

Majan Jesucristoja Chiga Dutssi'ye tsu qquen in'jamba condasepa Chigai'ccu canse'fa. Chigaja tise'pai'ccu canse.

Romanos 10:20

Toya'caen omboe cca'tti Isaías tevaen'jenga Chigaja su: Ñame tta'ttambindeqquia tsu Ñama atte'fa. Ñame iñajampañambindeqquianga gi Ñajan Tisuma canjaen.

Romanos 1:4

Tise qquendya'paja sefacconi ñotsse jincho; Chiga Dutssi'ye tsu, osha'choma oshacho. Nane Jesucristo pasi Chiga Qquendya'pa tisema ccase qquendyaemba Jesúsja ñoa'me Chiga Dutssi'ye qquen tsu canjaen.

Tson'fa'cho 9:20

Can'jemba junde Sauloja Jesúsne candusiañe ashaen Damasconi'su Chigane atesian'jen'ttinga. Candusiamba “Jesúsja Chiga Dutssi'ye” qquen tsu condase.

Tson'fa'cho 8:36

Tsa'caen condasepa tsaiquingae jayipa singu'ccuma atte'fa. Attepa onocoja su: —Va'tti tsu singu'ccuja jin. ¿Ñama fetiye'ta ti ñotssi?

Juan 20:28

Tsonsi Tomásja su: —¡Ña Na'su qui! ¡Ña Chiga qui!

Juan 11:27

Tiseja su: —Ju, Na'su. Ñajan in'jan gi queja Cristo, Chiga Dutssi'ye, va andenga ji'cho.

Juan 6:69

Ingita gi tayo in'jan'fa. Atesu'fa gi queta qui Cristo, Chiga Dutssi'ye.

Juan 5:14

Tsa'ma omboe Jesúsja ccusha'choma Chiga ettini attepa su: —Que canjan. Tayo ccushapa ti'tsse egae tsinconjama bove dapa vanasa'ne.

Juan 3:36

Majan Chiga Dutssi'yeve in'jan'chota tsangae tsu canseya. Tsa'ma majan Chiga Dutssi'yema chi'ga'ta canseya'bi tsu. Tayo tsu Chiga Quitsaja tisema iyicca'ye.

Juan 1:34

Attepa gi que'inga conda va Jesúsja ñoa'me Chiga Dutssi'ye tsu.

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Marcos 1:1

Qquen tsu Jesucristone ñotsse condase'choja ashaen. Tiseja Chiga Dutssi'ye tsu.

Mateo 16:16

Tsonsi Pedroja su: —Queja Cristo. Tsangae canse'cho Chigambe Dutssi'ye qui.

Mateo 14:33

Shavoni can'jensundeccu Jesúsnga catsepa ccaru dyaipa tisema ñotsse afa'fa qquen supa: —Que qui ñoa'me Chiga Dutssi'ye.

Salmos 2:12

Nane tsa'caen tsombi'ta qui tse'faei'ccuyi pa'faya Na'su junde iyicca'yesi. Poiyi'cco tise've in'jamba coirayeye ji'chondeccuja ñoa'me avujatssi'faja.

Salmos 2:7

Tsa ñama ttuse'su Na'su su'choma gi condaya: Nane tiseja ñama su: “Que qui ña dutssi'ye; ja'ño gi quema atte.

Mateo 4:3

Qquipoe'susi cocoya na'suja tisenga jipa qqueñacañe in'jamba su: —Queja ñoa'me Chiga Dutssi'ye'ta mandaja cuintsu va patu sheque'cho anqque'su panme dasi añe.

Juan 9:22

Nane Tise yaya, tise mama'qque israendeccuma dyojopa tsa'caenjan su'fa. Tayo tsu israendeccuja in'jamba manda'fa Chigane atesian'jen'ttinga ca'nimbe can'faye majan Jesúsja Cristo qquen in'jamba su'ta.

Juan 9:34

Tsonsi nasundeccuja su'fa: —Queja tseyi isusiyi egae jincho'cho'ta, ¿ma'caen qui ingingaja atesiaña? Tsa'caen supa tteya moen'fa.

3 Juan 1:10

Tsa'cansi ña ji'ta gi poiyi'ccoma afapa in'jaeña tise ingima da'ñomba afase'chone. Tsa'caen afasepa toya'caen tsu ti'tsse egae tson. Nane faenga'su in'jan'chondeccu ccane jisi Diótrefes tsa'oma afembi. Cca'indeccu tsa'oma afeye in'jansi Diótrefes se'pipa Cristove in'jan'chondeccu bo'fa'cho'ye tsendeccuma'qque joqquitssian maña.

Tson'fa'cho 8:37

Tsonsi Felipeja su: —Pa'cco injama'choi'ccu Jesúsve in'jan'da fetiyeye tsu ñotssi. Tsonsi tsandieja su: —In'jan gi Jesucristoja Chiga Dutssi'ye.