Juan 8:53 - Cofán: Chiga Tevaen'jen

⁵³ ¿Tsuin'da ti qui queja ingi yaya Abrahamma ti'tsse'tssia? Tiseja pa. Chiga Aya'fama afasundeccu'qque pa'fa. ¿Majan qui qquen qui in'jan?

Juan 8:53 Referans Kwoze

Juan 4:12

¿Queta ti qui ingi tayopi'su yaya Jacobma ti'tsse'tssia? Tise tsu va posoma inginga afe. Tise'qque vani cu'iqque'a. Tise dutssiyendeccu'qque vani cu'i'fa'qque'a. Tise vaurama'qque vani cui'ña'fa'qque'a.

Romanos 9:5

Israendeccuja tayopi'su joccapitssia coenzandeccumbe dushundeccu tsu. Tsendeccune tsu Cristoja ji. Nane a'ive dasi israe a'i isu'cho tsu. Cristoja Chiga tsu, osha'choma joccapitssia. Tsangae Tisema ñotsse afa'faja. Tsangaeyi.

Juan 19:7

Tsa'ma israendeccuja su'fa: —Tiseja “Ña gi Chiga Dutssi'ye” qquen supa tsu shacapa. Nane ingi manda'cho jinqquia'caen tsa'caen su'cho a'imajan fi'ttiya'cho.

Juan 12:34

Tsonsi a'ija su'fa: —Paña'fa gi Chiga manda'cho tevaen'jen qquen su'choma: “Cristoja tsangae can'jeña.” Tsa'camanda ¿ma'caen qui queja su: “Sefaccone Ji'chomajan jangiaña'cho tsu”? ¿Va Sefaccone Ji'cho A'ita ti Cristombi?

Juan 10:33

Israendeccuja su'fa: —Ñotsse tson'chone'da gi patui'ccu ttovaye tson'jen'fambi. Tsa'ma queja Chigane egae afasi gi quema ttovaye in'jan'fa. Queja aqquia a'ita ¿“Chigave gi da” qquen ti qui in'jan?

Juan 8:58

Jesúsja su: —Ñoa'me gi su: Toya Abrahamme meinte, Ña gi.

Juan 5:18

Tsa'caen susi ti'tsse'tsse tsu israendeccuja tta'tta'fa ma'caen Jesúsma fi'ttiya'chove. Nane Jesús tise'pa sema'ma'qquia a'ta se'pi'choma catisi israendeccuja tisema fi'ttiye in'jan'fa. Ja'ño Chigaja tise Yaya qquen supa tsu tisuma Chigai'ccu fae'ngatsse tson. Tsa'caen tsonsi ti'tsse tisema fi'ttiye in'jan'fa.

Mateo 12:6

Tsa'cansi que'inga gi su: Chiga ettima ti'tsse'tssia tsu ja'ño can'jen.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Mateo 3:9

Injanga “Tayopi'su Abraham ingi yayasi gi ccusha'faya” qquen su'fajama tisupa injama'choma ñoquiañe. Nane israendeccuja cca'indeccuma bove ñotssimbi tsu. Chiga in'jan'da va patundundu'ye a'ive tsoñe osha Abraham dushundeccuve dapa Chigama shondocañe.