Juan 7:3 - Cofán: Chiga Tevaen'jen

³ tise quinshingendeccu'qque su'fa: —Shandajama va'ttinga. Tsa'ma Judeani jaja cuintsu tseni canjen'su quema shondosundeccu'qque que tson'choma atte'faye.

Juan 7:3 Referans Kwoze

Mateo 12:46

Jesús toya a'i bo'fa'chonga atesian'jen'ni tise mama, tise quinshingendeccu'qque tseni ji'fa. Jipa tsa'o tsotefangayi ccutsu'fa Jesúsi'ccu afaye in'jamba.

Juan 7:5

Ni tise quinshingendeccuyi'qque in'jan'fambi tise've.

Tson'fa'cho 2:14

Tsonsi Pedro faesu oncei'ccu ccutsupa poiyi'cco a'inga quia'me afapa su: —Israendeccu, poiyi'cco Jerusaléni can'jensundeccu, vama atesu'faja. Ñotsse paña'faja ña su'choma.

Juan 7:10

Tise quinshingendeccu ja'fasi Jesús'qque omboe fiestanga ja. Pa'onga atteyembe'yi a'tutsse jacan.

Lucas 8:19

Tsonsi Jesús chan, tise quinshingendeccu'qque can'su ji'fa. Tsa'ma tsain'bio a'i shequesi tisenga catseye osha'fambi.

Marcos 3:31

Tsa'caen tson'jen'ni Jesús chan, tise quinshingendeccu ji'fa. Tsa'ma tsain'bio a'isi ca'nimbe'yi tsotefani ccutsupa faesuma manda maña Jesúsma ttusengaye.

1 Samuel 17:28

Tsa'ma David quindya, Eliab, pa'cco David faesu tsandiendeccui'ccu condase'je'choma pañamba Davidma iyicca'yepa su: —¿Jongoesie qui vani ji? ¿Majain'ccu qui va'cha ovejama a'i menia catipa ji? In'jan gi que injama'cho egae in'jan'choma. ¡Nane in'jangae tsincomba qui aqquia sundaro iyicco'je'choma can'boeñe ji!

Génesis 37:20

Tise jisi jinge fi'ttiye. Fi'ttipa tise ai'voma posonga ttova catipa ‘Ttesi an’ qquen jinge su'faye. Tsa'caen tsomba jinge atesuye tise ayo'opa ma'caen da've'se.

Marcos 3:21

Tsa'caen tson'jen'ni Jesús antiandeccu osha'choma pañamba tisema angaye ji'fa, sumbie da qquen supa.

Juan 2:2

Jesúsma, ingi tisema shondosundeccuma'qque ttu'se'fa casara'je'fa'chonga.

Juan 6:60

Tsa'caen atesian'jensi pañamba majan Jesúsma shondosundeccuja su'fa: —Aiye'pa tsu tise su'choja. ¿Ma'caen pañamba in'jaña?

Juan 6:66

Tsa'caen susi majan Jesúsma shondosundeccuja tisema catipa ccase tisei'ccu jacan'fambi.

Juan 7:4

¿Ma'caen tsu a'ija a'tutsse tsincoña poiyi'cconga tisu tson'choma attiañe in'jan'da? Ca'tsa que tsa'caen tsincon'da pa'o a'i a'ttatsse tsa'caen tsonjan.

Lucas 8:20

Tsa'caen osha'fambisi cca'ija Jesúsma conda'fa: —Que mama, que quinshingendeccu'qque tsu tsotefani ccutsu'fa quema atteye in'jamba.