Juan 7:28 - Cofán: Chiga Tevaen'jen

²⁸ Jesúsja Chiga ettini atesian'jemba a'i condase'je'choma pañamba quia'me afapa su: —Que'ija ñama atesupa ña mane ji'chove'qque atesu'fa qquen qui in'jan'fa. Tsa'ma tisuyi'ta jimbi gi. Ñama moen'suta tsu ñoa'me tansintsse afa'su. Tsama qui atesu'fambi.

Juan 7:28 Referans Kwoze

Juan 8:42

Tsonsi Jesúsja su: —Que'ija ñoa'me Chiga dushundeccuve'can'da qui ñama in'jan'faye'can ñajan Chigane jipa vani can'jensi. Ñajan tisuyi'ta jimbi gi. Tsa'ma Chiga moensi gi ji'cho.

Juan 8:19

Jesús tsa'caen susi a'ija iñajampaña'fa: —¿Mani tsu que yayaja? Jesúsja su: —Que'ija ñame atesu'fambi qui ni ña Yayave'qque. Ñame atesucho'choe'can'da qui atesu'faye'can ña Yayave'qque.

Juan 8:26

Toya tsu ti'tsse afaya'cho jin que'i injama'choma somboeña'chone. Ñama moen'su su'choma pañamba gi tsa'caen a'inga ña'qque su. Tise su'choja tansintssi tsu.

Juan 8:14

Jesúsja su: —Ju, ñajan tisune afa'je. Tsa'ma ñajan mane tisu ji'chove, mani jaya'chove'qque atesusi tsu ña afa'chota ñoa'me tansintssi. Tsa'ma que'ija atesu'fambi qui mane ña ji'chove ni maningae ña jaya'chove'qque.

Juan 17:3

Yaya, que qui ñoa'me Chiga. Faesuveja me'i'on tsu. Ña gi Jesús que moen'cho Cristo. Majan ingima cachuipa in'jan'da tsu ñoa'me tsangae canseya.

Juan 12:49

Nane Tisutsseyi in'jamba afambi gi. Tsa'ma Chiga Quitsa ñama moen'su tsu manda ma'caen afaya'chove, ma'caen atesiaña'chove.

Juan 5:43

Ña Yaya moensi jisi qui ñama paña'fambi. Tsa'ma faesu a'i jipa tisune afa'nijan tsama qui paña'faya.

Mateo 11:27

Jesús Chigama iñajan nanimba aindeccunga su: —Tayo tsu ña Yaya osha'choma ñanga afe. Ni fae a'iyi'qque ñama atesu'fambisi Chiga Quitsayi tsu ñama atesu. Ñajan Tise Dutssi'ye. Toya'caen ni fae a'iyi'qque Chiga Quitsama atesu'fambisi ñañi gi Tisema atesu. Tiseja ña yaya tsu. Toya'caen ñajan Chiga Dutssi'yepa gi majama in'jamba ña condase'nijan tsendeccu'qque Chiga Quitsama atesu'fa.

1 Juan 5:10

Nane majan Chiga Dutssi'yeve in'jan'chota tisu injama'choyi tsu Chiga su'choma atesucho. Tsa'ma majan Chigave in'jambi'choa'ta tsu “Chigaja afopa'cho” qquen in'jaña. Tsaja pañañe in'jambi Chiga Quitsa Tise Dutssi'yene tansintsse condase'choma.

Hebreo'su 6:18

Chiga su'choja ñoa'me tansintsse su'cho tsu. Toya'caen Chigaja “Ju, tsa'caen tsu” qquen supa ¿ma'caen tsu ccaningae tsoña? Nane Chigaja afopoeñe oshambi. Tise tsa'caen afa fuitesi gi ti'tsse Tise've in'jamba canse'fa. Ñoa'me Cristonga catsepa gi tise ccushaeñe qquen su'choma in'jamba tsave ronda'je'fa.

Titonga 1:2

Tsa'caen in'jamba atesupa tsu tisupa tsangae canse'faya'chone'qque in'jamba ronda'je'faya. Nane toya andeve agattoembi'te tsu Chigaja ingine tsangae canseya'chove in'jan. Tiseja afopoen'masiapa

2 Corinto'su 4:6

Chiga Quitsaja coejechigave agattoemba su: “Cuintsu sintssia'ye a'tatssia've chanjuñe.” Tsa Chigayi tsu ingi injama'choma'qque chanjienqquia'caen a'tatsse in'jaen cuintsu ingija Jesucristo cambajuma attepa Chiga a'tatssia've atesu'faye.

2 Corinto'su 1:18

Me'i. Nane Chigaja tansintsse afasi ingi'qque tansintsse que'inga afa'fa. “Me'i” qquen ñoa'me in'jamba “Ju” qquen su'fambi gi.

Romanos 3:4

Me'i. Nane poiyi'cco a'i afopoen'ni'qque toya tsu Chigaja tansintsse afa'je. Chiga Tevaen'jeni Chigama qquen su: Queja tsangae tansintsse afa'su qui. A'i Quema egae afase'fasi qui ccane'qque tansintsse afapa patsu'je.

Romanos 1:28

Tsendeccuja Chigama atesuye in'jambisi Chigaja tise'pama cati cuintsu injama'choni osha'cho egave in'jan'faye. Tsa'cansi tsu tsendeccuja Chiga in'jambi'choa've tsincon'fa.

Tson'fa'cho 17:23

Toya'caen jacamba que'i iñajan'jen'ttima attepa gi fae oque oraen'je'choma atte qquen tevaen'choma: “Faesu chiganga”. Que'ita injanga faesu chiga jinsa'ne dyojopa tsa'caen iñajan'jen. Tsa'ma ñanda gi tsa que'i atesumbe'yi in'jan'cho Chigane que'inga condaseye tson'jen.

Juan 17:25

Ño'a Yaya, va andesundeccuja quema atesu'fambi tsu. Tsa'ma ñajan quema atesusi ñama in'jan'chondeccu'qque atesu'fa que ñama moen'chove.

Juan 16:3

Nane Ña Yayama atesumbipa ñama'qque atesumbipa tsu tsa'caen tson'faya.

Juan 14:31

ña Quitsa mandaqquia'caen gi tsoña cuintsu ñame in'jambindeqquia ña Chiga Quitsama in'jan'chove atesu'faye. Jangi'fa'se. Jinge jaye.

Juan 14:10

¿In'jan'fambi ti qui ñajan fae'ngae jincho ña Quitsai'ccu? Ña que'inga condase'chota tisutsseyi in'jamba afambi'choa tsu. Tsa'ma ña Quitsa ña injama'choni jinchopa tsu tisu sema'bama sema'jen.

Juan 10:36

qquen su'ninda ¿ma'caen qui que'ija ñama afase'fa? Nane Chiga Quitsa tsu ñama in'jamba ttu'sepa va andenga moen. Tsa'cansi ña gi Chiga Dutssi'ye qquen susi'ta ¿ma'caen qui que'ija ña Chigane egae afa'je qquenjan su'fa?

Juan 8:16

Tsa'ma ñajan a'i injama'choma somboen'da gi tansintsse in'jamba somboeña. Nane tisuyija in'jamba tsa'caen tsoña'bi gi. Tsa'ma ñama moe'sui'ccu fae'ngae in'jamba gi tsa'caen tsoña.

Juan 5:32

Tsa'ma faesu tsu ñane ñotsse afa'su. Atesu gi tise afa'choja ñoa'me tansintsse afa'cho tsu.

Juan 3:33

Tsa'ma majan a'i pañamba in'jan'chota tsu: “Pa'tssi Chiga su'cho tsu tansintsse su'cho” qquen su'fa.

Juan 3:2

Cose Nicodemojan Jesúsni can'su jipa su: —Atesian'su, atesu'fa gi queja ñoa'me Chiga moen'cho atesian'su qui. Majañi'qque quia'caen canjaen'choma canjaeñe oshambi Chiga tisei'ccu can'jembian'da.

Juan 1:46

Natanaelja su: —¿Minguite tsu Nasaret'ye ñotssiaja somboya? Tsa'caen susi Felipeja su: —Jipa can'gija.

Lucas 10:22

Tsa'caen Chigama iñajamba Jesúsja su: —Tayo tsu ña yayaja osha'choma ñanga afe. Cca'i ñama atesu'fambisi Chiga Quitsayi tsu ñama atesu'cho. Ñajan Tise Dutssi'ye. Toya'caen cca'ija Chiga Quitsama atesu'fambisi ñañi gi Tisema atesu'cho. Tiseja ña yaya tsu. Toya'caen ñajan Chiga Dutssi'yepa gi majama in'jan'da tsanga condase cuintsu tsendeccu'qque Chiga Quitsama atesu'faye.

Lucas 2:51

Tsa'caen supa Jesúsja tise'pai'ccu Nasaretni ja. Tseni japa tise'pama ñotsse pañamba canse. Toya'caen Jesús chanjan osha'choma in'jamba tisu injama'choni asi'taén can'jen.

Lucas 2:39

Tsonsi pa'ccoma Na'su Chiga manda'cho mandaqquia'caen tsomba María, José, du'shui'ccu toequi Galileani ja'fa. Tise'pa Nasaret canqqueni japa can'jen'fa.

Lucas 2:11

Ja'ño a'ta tsu David canqqueni que'ima ccushaen'suve isu. Tsaja Na'su Cristo tsu.

Lucas 2:4

Tsa'cansi Joséja Galilea ande'su Nasaret canqquene sombopa Judea andeni ja. Joséja David a'ipa Judeani japa Belén canqqueni ja. Tsa canqque tsu tayopi'su Na'su Davidma isu'cho canqque.

Mateo 2:23

Nane Nasaret canqqueni japa can'jen'fa. Tse'tti can'jemba tsu tayopi'su Chiga aya'fama afa'su suqquia'caen tson. “Tiseja Nasareno tsu” qquen tsu tayópija su.

Jeremías 31:34

Nane tayoe a'ija tisupapora atesian'fa. Quindya tsu tise quinshinma nafattian cuintsu Na'su Chigave in'jañe. Tsa'ma tsequi a'ta poiyi'cco pañamba ñame in'jansi majameñi'qque atesiañe me'i'on tsu. Nasundeccu, utu'ccoandeqquia'qque tsu ñame in'jan'faya. Nane tise'pama mende'yepa gi tise'pa egae tsincon'choma agattoya'bi. Tise'pa shacama gi aqque'paya. Ña, Na'su Chiga gi que'inga conda.”

Juan 7:14

Tsonsi fiesta enttingeve pasajisi Jesúsja Chiga ettinga ca'nimba atesiañe ashaen.

Mateo 26:55

Tsomba Jesús poiyi'cco a'ima su: —¿Ñanda ti gi fi'ttipa ccana'su? ¿Tsa'cansi ti qui matichi, quini'ccoi'ccu ñama indiye ji'fa? Nane poi a'ta gi Chiga ettinga dyaipa atesian'jen'ma qui ñama indi'fambi.

Juan 6:42

Qquen tsu su'fa: —¿Vata ti Jesús? ¿José dutssi'yembi ti? Tise yayama, tise mamama gi atesu'fa. ¿Ma'caen tsu tiseja sefaccone ande'cho qquenjan su?

Juan 9:29

Atesu'fa gi Moisésnga Chiga afa'choma. Tsa'ma tsa a'imajan atesu'fambi gi mani'suve'qque.