Juan 6:9 - Cofán: Chiga Tevaen'jen

⁹ —Va'tti tsu can'jen du'shu –cinco máchicama ñoña'cho pan, dos avuma an'bian'cho. Tsa'ma ¿ma'caen tsu pa'cco a'i va'ccoanjan an'faya?

Juan 6:9 Referans Kwoze

Lucas 9:13

Tsa'ma Jesúsja tise'pama su: —Que'i tise'pama o'fian'faja. Tsa'ma su'fa: —Nane cinco panmeñi dos avuveyi gi an'bian'fa. ¿Queta ti qui in'jan ingi japa anqque'suma chavapa poiyi'cco vandeccuma o'fiañe?

Marcos 6:38

Jesúsja su: —¿Mañi'cco panme qui an'bian'fa? Can'ga'faja. Can'gapa su'fa: —Cinco pan, toya'caen dos avu san'jan.

Mateo 14:17

Tsa'ma tisema su'fa: —Nane cinco pan, dos avuveyi gi an'bian'fa.

Salmos 78:19

Na'suma afasepa qquen su'fa: “¿Chigaja oshaya ti anqque'suma va a'i menia inginga afeye?

Mateo 16:9

¿Toya ti qui paña'fambi? ¿Tayo ti qui aqque'pa'fa cincoyi'cho'cco panma cinco mil a'inga o'fian'choma? ¿Mañi'cco saparove qui an antteye'cho sheque'pama on'boen'fa?

Marcos 8:19

Nane cincoyi'cho'cco panma cinco mil a'inga attufaen'choma, ¿mañi'cco saparove qui an antteye'choma on'boen'fa? Tsonsi su'fa: —Doceve.

2 Corinto'su 8:9

Atesu'fa qui ingi Na'su Jesucristo ñoa'me osha'choma an'biamba tsama catipa mechoave da que'ima fuiteye. Tsa'caen tsu tson cuintsu tiseja me'ccoe dasi que'ija osha'choma an'bian'faye.

Canjaen'cho 6:6

Tsonsi tsa cuatro canse'pa jinchondeccu ccutsu'ttie qquen afa'choma paña: —Fae a'ta semamba fae libra harinameñi qui chavaye osha'fa. Fae a'ta semamba qui tres libra máchicaveyi chavaye osha'fa. Tsa'ma yayapa, vinoma'qque pporaenjama sefaensa'ne.

Juan 11:32

Tsonsi Maríaja ingi can'jeni napipa Jesús tsutteccofanga ccaru dyaipa su: —Na'su, va'tti que can'jen'choecan'da meinte tsu ña quinshi'ñejan paye'can.

Juan 11:21

Cachuipa Martaja Jesúsnga su: —Na'su, va'tti que can'jen'choecan'da meinte tsu ña quinshi'ñejan paye'can.

Juan 6:7

Tsonsi Felipeja su: —Dosciento denario corifin'di napiya'bi tsu poiyi'cco re'riccoe añe chavaye'ja.

Salmos 78:41

Injanga tson'ñaccapa Chiga iyicca'yepa tson'jen'chove atesu'fa. Tsa'caen tsomba Israel Ñotssia Joccapitssia Chigama ñoquimbian'fa.

Juan 6:11

Tsonsi Jesúsja panma isupa Chigama iñajan. Iñajan nanimba ingi tisema shondosundeccunga afesi ingija aindeccunga afe'je'fa. Tsa'caeñi avuma'qque a'i añe in'janqquia'caen afe'fa.

Juan 21:9

Ccattufapa gi si'nge oque'choma atte'fa. Tsani avu otta'choma panma'qque atte'fa.

Juan 21:10

Tsonsi Jesúsja su: —I'faja que'i indi'cho'su avuma.

Juan 21:13

Tsonsi Jesúsja catsepa panma isupa inginga afe. Avuma'qque afe.