Juan 5:16 - Cofán: Chiga Tevaen'jen

¹⁶ Tsa'caen pañamba israendeccuja Jesúsma noñangiamba fi'ttiye in'jan'fa tise tsa'caen sema'ma'qquia a'ta tsinconsi.

Juan 5:16 Referans Kwoze

Juan 15:20

Ñotsse in'jan'faja ña que'inga su'choma: “Sema'suja tise na'suma ti'tsse'tssimbi tsu.” Ñama chi'gapa vananaen'da, tsa'caen tsu que'ima'qque chi'gapa vananaen'faya. Ña su'choma paña'da, tsa'caen tsu que'i su'choma'qque paña'faya.

Juan 10:39

Ccase tisema indiye in'jan'fasi Jesúsja a'tupa ja.

Juan 7:25

Majan Jerusaléndeccuja iñajampañacco'fa: —¿Vambi ti fi'ttiye ttatta'je'fa'cho'ta?

Juan 5:13

Tsa'ma pajipa ccusha'choja atesumbi majan tisema ccushaen'chove. Nane tsain'bitssia a'i tseni shequesi Jesúsja tsambe enttingenga jasi tisema ccase attembi.

Lucas 6:11

Tsa'ma tsa'caen tsonsi fariseondeccu, Chiga Aya'fama atesiansundeccu'qque ñoa'me iyicca'yepa condasecco'fa ma'caen Jesúsma patsuya'chove.

Marcos 3:6

Tsonsi fariseondeccu sombopa na'su Herodes aindeccui'ccu condasecco'fa ma'caen Jesúsma osha'ta fi'ttiye.

Mateo 12:13

Qquen supa tsandienga Jesús su: —Que tivema yasaja. Qquen susi tsandie tise tivema yasa. Yasasi ñoa'me tayo ccusha tise ccafa'su tivei'ccu fae'ngatsse.

Juan 1:19

Jerusaléni'su israendeccuja a'ima Juanga mandamoen'fa. Chigama afa'su nasundeccu, Chiga etti'suma semasundeccu'qque japa: “¿Majan qui queja?” qquen iñajampaña'fasi

Juan 5:10

Tsa'cansi israendeccuja pajipa ccusha'choma su'fa: —Ja'ñonda tsu sema'ma'qquia a'ta. ¿Jongoesie qui ana'jen'choma angaji?

Juan 5:15

Tsonsi japa israendeccunga conda tisema ccushaen'suja Jesús.

Juan 5:17

Tsa'ma Jesúsja tise'pama su: —Ña Yaya ja'ño pan sema'jensi gi ña'qque sema'jen.

Juan 5:18

Tsa'caen susi ti'tsse'tsse tsu israendeccuja tta'tta'fa ma'caen Jesúsma fi'ttiya'chove. Nane Jesús tise'pa sema'ma'qquia a'ta se'pi'choma catisi israendeccuja tisema fi'ttiye in'jan'fa. Ja'ño Chigaja tise Yaya qquen supa tsu tisuma Chigai'ccu fae'ngatsse tson. Tsa'caen tsonsi ti'tsse tisema fi'ttiye in'jan'fa.

Juan 7:21

Jesúsja tise'panga su: —Sema'ma'qquia a'ta a'ima ccushaensi qui can'boen'fa.